ଭଦ୍ରକ: ଚାନ୍ଦବାଲି ଓ ଧାମରାରେ ବାତ୍ୟା ବୁଲବୁଲର କ୍ଷୟକ୍ଷତି ଆକଳନ କରିଛନ୍ତି କେନ୍ଦ୍ରୟ ଟିମ୍ । ଗୁରୁବାର କେନ୍ଦ୍ର ଗୃହ ମନ୍ତ୍ରଣାଳୟର ଯୁଗ୍ମ ଗୃହ ସଚିବ ସାହୀଲ ଘୋଷ ରାଏଙ୍କ ନେତୃତ୍ବରେ 7 ଜଣିଆ ପ୍ରତିନିଧି ଦଳ ଭଦ୍ରକ ଗସ୍ତ କରି ସ୍ଥିତି ପରଖିଛନ୍ତି ।
କେନ୍ଦ୍ରୀୟ ପ୍ରତିନିଧି ଦଳର ଭଦ୍ରକ ପରିଦର୍ଶନ
ଚାନ୍ଦବାଲି ବ୍ଳକ ଜାଗୁଲା ପଞ୍ଚାୟତର ବଳଭଦ୍ର ପ୍ରସାଦ ଗାଁକୁ ବୁଲି ଦେଖିବା ସହ ସେମାନେ ସ୍ଥିତି ଅନୁଧ୍ୟାନ କରିଛନ୍ତି । ପରେ କ୍ଷୟକ୍ଷତି ସମ୍ପର୍କରେ ଆରଡିସି, ଉପଜିଲ୍ଲାପାଳ, ଚାନ୍ଦବାଲି ତହସିଲଦାର, ବିଡିଓ ଓ କୃଷି ବିଭାଗ ଅଧିକାରୀଙ୍କ ସହ ଅଲୋଚନା କରିଛନ୍ତି ।
ବାତ୍ୟା ‘ବୁଲବୁଲ’ ପ୍ରଭାବରେ ଭଦ୍ରକ ଜିଲ୍ଲାର ଉପକୂଳବର୍ତ୍ତୀ ଅଞ୍ଚଳ ଚାନ୍ଦବାଲି ଓ ଧାମରାରେ ବ୍ୟାପକ କ୍ଷୟକ୍ଷତି ହୋଇଛି ।
ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ
