ଭଦ୍ରକ: ଜିଲ୍ଲାର 16 ନମ୍ବର ଜାତୀୟ ରାଜପଥ ରାହାଞ୍ଜ ନିକଟରେ ମର୍ମନ୍ତୁଦ ସଡକ ଦୁର୍ଘଟଣା । ଏଥିରେ ସ୍ୱାମୀ ମୃତ ସ୍ତ୍ରୀ ଓ ଶିଶୁ ଗୁରୁତର। ମୃତକ ଜଣଙ୍କ ହେଉଛନ୍ତି ଅସୁରାଳୀ ଷ୍ଟ୍ରକ୍ଚର ଲାଇନ ମେନ ସୁରେନ୍ଦ୍ର ସାହୁ।
କାର ଦୁର୍ଘଟଣାରେ ସ୍ବାମୀ ମୃତ, ସ୍ତ୍ରୀ ଓ ଶିଶୁ ଗୁରୁତର
ଖବର ଅନୁଯାୟୀ ସୋମବାର ସୁରେନ୍ଦ୍ର ସାହୁ କାରରେ ତାଙ୍କ ଶ୍ବଶୂର ଘର ସୋର ଅଞ୍ଚଳକୁ ତାଙ୍କ ସ୍ତ୍ରୀ ରେଣୁବାଳା ଓ ଅଢେଇ ବର୍ଷର ଝିଅକୁ ନେଇ ଯାଉଥିଲେ। ହେଲେ ହଠାତ କାରଟି ଭାରସାମ୍ୟ ହରାଇ ରାସ୍ତାରେ ଥିବା ଏକ ମିକ୍ସଚର ମେସିନକୁ ଧକ୍କା ଦେଇଥିଲା। ଫଳରେ ଘଟଣାସ୍ଥଳରେ ସୁରେନ୍ଦ୍ରଙ୍କ ମୃତ୍ୟୁ ହୋଇଥିଲା। ତେବେ ସ୍ତ୍ରୀ ଓ ଛୁଆକୁ ଗୁରୁତର ଭାବେ ଭଦ୍ରକ ଡାକ୍ତରଖାନାରେ ଭର୍ତ୍ତି କରାଯାଇଛି । ଗୁରୁତରଙ୍କ ମୁଣ୍ଡରେ ଗଭୀର ଆଘାତ ଲାଗିଥିବାରୁ ତାଙ୍କୁ କଟକ ବଡ଼ ଡାକ୍ତରଖାନାକୁ ସ୍ଥାନାନ୍ତର କରାଯାଇଛି ।
