ଭଦ୍ରକ: ମଦ୍ୟପ ଟ୍ରକ ଚାଳକର ଉନ୍ମତ କାଣ୍ଡ । ନିଶାଶକ୍ତ ଅବସ୍ଥାରେ ବେପରୁଆ ଗାଡ଼ି ଚଳାଇ ଷଣ୍ଢପଲ ଉପରେ ଚଢ଼ାଇଲା ଟ୍ରକ । ଫଳରେ ଅନେକ ନିରୀହ ଷଣ୍ଢଙ୍କ ମୃତ୍ୟୁ ହୋଇଛି । (bull dead due to drunken truck driver in bhadrak) । ଭଦ୍ରକ ଜିଲ୍ଲା ଚାନ୍ଦବାଲି ରାଜ୍ୟ ରାଜପଥରେ ଏଭଳି ଅଭାବନୀୟ ଘଟଣା ଘଟିଛି । ଟ୍ରକ୍ଟି ସାଇଟ ମାରିବାରୁ ଯାତାୟାତ କରୁଥିବା ଅନେକ ଲୋକେ ଦୁର୍ଘଟଣାରୁ ଅଳ୍ପକେ ବର୍ତ୍ତିଛନ୍ତି । ଏହି ଘଟଣାରେ ସ୍ଥାନୀୟ ଲୋକେ ଉତ୍ୟକ୍ତ ହୋଇ ଟ୍ରକ୍ ଚାଳକକୁ କାବୁ କରି ମତୋ ଫାଣ୍ଡି ପୋଲିସକୁ ହସ୍ତାନ୍ତର କରିଛନ୍ତି ।
ଟ୍ରକ ଚାଳକ ଚାନ୍ଦବାଲି ବ୍ଲକ ଅଧିନସ୍ଥ ଧାମରା କରଞ୍ଜମାଳ ପଞ୍ଚାୟତର ଅରୁଣ କୁମାର ମଣ୍ଡଳ ବୋଲି ଜଣାଯାଇଛି । ଧାମରାରୁ ଗହମ ବୋଝେଇ କରି ଏହି ୧୦ ଚକିଆ ଟ୍ରକଟି କେନ୍ଦ୍ରାପଡ଼ା ଅଭିମୁଖେ ଯାଉଥିଲା । ଏହି ସମୟରେ କମାରିଆରୁ ସନ୍ଥପୁରା ମଧ୍ୟରେ ରାସ୍ତାରେ ଥିବା ଅନେକ ଷଣ୍ଢଙ୍କୁ ଧକ୍କା ଦେଇଥିଲା । ସୌଭାଗ୍ୟ ବଶତଃ ଏଥିରେ କୌଣସି ଜନସାଧାରଣଙ୍କ କ୍ଷୟକ୍ଷତି ହୋଇନାହିଁ । ଅଭିଯୁକ୍ତ ଗାଡ଼ି ଚାଳକ ଜଣକ ପୋଲିସ ନିକଟରେ ଭୁଲ୍ ସ୍ବୀକାର କରିଥିବା ସୂଚନା ମିଳିଛି । ପୋଲିସ ଏହି ଘଟଣାର ତଦନ୍ତ ଜାରି ରଖିଛି । ତେବେ ଏନେଇ ପୋଲିସ ପକ୍ଷରୁ କୌଣସି ମିଳିନାହିଁ ।
ଇଟିଭି ଭାରତ, ଭଦ୍ରକ
