ଭଦ୍ରକ: ଦୁଇଗୋଷ୍ଠୀ ମଧ୍ୟରେ ବିବାଦକୁ କେନ୍ଦ୍ର କରି ବୋମାମାଡ ଅଭିଯୋଗ । ଭଦ୍ରକ ଜିଲ୍ଲା ଚାନ୍ଦବାଲି ବ୍ଲକ ମାଧପୁର ପଞ୍ଚାୟତରେ ବୋମାମାଡ ହୋଇ ଜଣେ ଗୁରୁତର ହୋଇଛନ୍ତି ।
ଏହି ବୋମା ବିସ୍ଫୋରଣରେ ଲାଲମୋହନ ଦାସ ନାମକ ଜଣେ ବ୍ୟକ୍ତି ଗୁରୁତର ଭାବେ ଆହତ ହୋଇଥିବା ଜଣାଯାଇଛି । ଗୁରୁତରଙ୍କୁ ତୁରନ୍ତ ଚାନ୍ଦବାଲି ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଛି ।
ବୋମାମାଡ ହୋଇ ଜଣେ ଗୁରୁତର
ଖବର ଅନୁଯାୟୀ, ଏକ ନୟନଜୋରି ନିଲାମ ଘଟଣାକୁ କେନ୍ଦ୍ର କରି ଦୁଇଗୋଷ୍ଠୀ ମଧ୍ୟରେ ବିବାଦ ସୃଷ୍ଟି ହୋଇଥିଲା । ପ୍ରଥମେ ଉଭୟ ଗୋଷ୍ଠୀ ମଧ୍ୟରେ ଟେକାପଥର ମାଡ ହେବା ସହ ସ୍ଥିତି ବିଗିଡି ଥିଲା । ପରେ ବୋମା ମାଡ ପର୍ଯ୍ୟନ୍ତ କଥା ଯାଇଥିଲା ।
ଏନେଇ ଖବର ପାଇବା ପରେ ପୁଲିସ ଘଟଣାସ୍ଥଳରେ ପହଞ୍ଚି ସ୍ଥିତି ନିୟନ୍ତ୍ରଣ କରିବା ସହ ଏନେଇ ଅଧିକ ତଦନ୍ତ ଜାରି ରଖିଛି । ହେଲେ ଏହି ଘଟଣାରେ ପୁଲିସ ପକ୍ଷରୁ କୌଣସି ପ୍ରତିକ୍ରିୟା ପ୍ରକାଶ କରାଯାଇ ନାହିଁ ।
ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ
