ଭଦ୍ରକ: ଗେଷ୍ଟ ହାଉସରୁ ମୃତ ଯୁବକ ଯୁବତୀଙ୍କ ମୃତ ଦେହ ଉଦ୍ଧାର ଘଟଣାରେ ସାମ୍ବାଦିକ ସମ୍ମିଳନୀ ମାଧ୍ୟମରେ କ୍ରାଇମ ବ୍ରାଞ୍ଚ ତଦନ୍ତ ଦାବି କଲେ ଯୁବକଙ୍କ ପରିବାର ଲୋକ । ତେବେ ପୂର୍ବରୁ ଏହି ଘଟଣାରେ ଯୁବତୀଙ୍କ ପରିବାର ପକ୍ଷରୁ ମଧ୍ୟ କ୍ରାଇମବ୍ରାଞ୍ଚ ତଦନ୍ତ ଦାବି ହୋଇଥିଲା ।
ସୂଚନାଯୋଗ୍ୟ, ଚଳିତ ମାସ 6 ତାରିଖରେ ଏହି ହତ୍ୟାକାଣ୍ଡ ଘଟିଥିଲା । ଗେଷ୍ଟ ହାଉସ ନଂ 107 ରୁମରୁ ଯୁବକ ଯୁବତୀଙ୍କ ମୃତ ଦେହ ଉଦ୍ଧାର ହେବା ପରେ ପୋଲିସର ତଦନ୍ତ ଉପରେ ପ୍ରଶ୍ନ ଉଠାଇଥିଲେ ଯୁବତୀଙ୍କ ପରିବାର । ଯାହାକୁ ନେଇ ଏକ ସାମ୍ବାଦିକ ସମ୍ମିଳନୀରେ କ୍ରାଇମବ୍ରାଞ୍ଚ ତଦନ୍ତ ମଧ୍ୟ ଦାବି କରିଥିଲେ । ଘଟଣାର 10 ଦିନ ପରେ ପୁଣି ଥରେ ଯୁବକଙ୍କ ପରିବାର କ୍ରାଇମବ୍ରାଞ୍ଚ ତଦନ୍ତ ଦାବି କରିଛନ୍ତି ।
ଘଟଣାଟି ସକାଳ 06.20ରେ ମୃତଦେହ ମିଳିବା ପରେ ହୋଟେଲ ପକ୍ଷରୁ ସକାଳ 9ଟା ସୁଦ୍ଧା ଅନ୍ୟ ଜଣଙ୍କୁ କିପରି ପ୍ରବେଶ କରାଗଲା ଏବଂ ଏହା ଏକ ସୁଚିନ୍ତିତ ହତ୍ୟା ବୋଲି ମୃତ ଯୁବକଙ୍କ ମାଆ ସୋବେଦା ଖାତୁନ ଅଭିଯୋଗ ଆଣିଛନ୍ତି ।
ଏପରିକି ପୋଲିସର ତଦନ୍ତ ପ୍ରକ୍ରିୟା ସଠିକ ଭାବେ ପରିଚାଳିତ ହେଉନଥିବାର ଅଭିଯୋଗ କରିଛନ୍ତି ଗାଁ ସର୍ଦ୍ଦାର ମୁସ୍ତାକ ଖାନ । ଘଟଣା ଘଟିବା ପରେ ତତକ୍ଷଣାତ କାହିଁକି ଗେଷ୍ଟ ହାଉସ ମାଲିକ ପୁଲିସକୁ ନଜଣାଇ ସେହି ରୁମର କବାଟ ଭାଙ୍ଗିଲେ ବୋଲି ସେ ପ୍ରଶ୍ନ ଉଠାଇଛନ୍ତି ।
ତେଣୁ ଏହି ହତ୍ୟାକାଣ୍ଡର ସତ୍ୟାସତ୍ୟ ସାମ୍ନାକୁ ଆଣିବା ପାଇଁ କ୍ରାଇମବ୍ରାଞ୍ଚ ତଦନ୍ତ ହିଁ ଜରୁରୀ ବୋଲି ପରିବାରଲୋକଙ୍କ ସହ ଗ୍ରାମବାସୀ ଦାବି କରିଛନ୍ତି ।
ଭଦ୍ରକରୁ ଦେବାଶୀଷ ମହାପାତ୍ର, ଇଟିଭି ଭାରତ
