ଭଦ୍ରକ: ସୁପ୍ରିମକୋର୍ଟଙ୍କ ରଥଯାତ୍ରା ବନ୍ଦ ନିର୍ଦ୍ଦେଶରେ ପରିବର୍ତ୍ତନ କରି ରାୟରେ ପରିବର୍ତ୍ତନ କରିବାକୁ ପୁଣିଥରେ ଦାୟର ହୋଇଛି ପିଟିସନ । ତେବେ ପୁରୀରେ ମହାପ୍ରଭୁଙ୍କ ରଥଯାତ୍ରା କରିବା ନେଇ ସର୍ବୋଚ୍ଛ ନ୍ୟାୟଳୟ ଅନୁମତି ଦେବାକୁ ଭଦ୍ରକରେ ବଜରଙ୍ଗ ଦଳ ଓ ବିଶ୍ବହିନ୍ଦୁ ପରିଷଦ ତରଫରୁ ଦାବି କରାଯାଇଛି ।
ଏନେଇ ବଜରଙ୍ଗ ଦଳ ଓ ବିଶ୍ବହିନ୍ଦୁ ପରିଷଦ ତରଫରୁ ଭଦ୍ରକ ଜିଲ୍ଲାପାଳଙ୍କ କାର୍ଯ୍ୟାଳୟ ନିକଟରେ ଏକ ଶୋଭାଯାତ୍ରାରେ ଆସି ବିକ୍ଷୋଭ ପ୍ରଦର୍ଶନ କରିଛନ୍ତି । ଓଡିଶାବାସୀଙ୍କ ସ୍ବାର୍ଥ ଦୃଷ୍ଟିରୁ ସୁପ୍ରିମକୋର୍ଟ ରଥଯାତ୍ରା ପାଇଁ ଅନୁମତି ଦେବାକୁ ଦାବି କରିଛନ୍ତି । ଏହି ପରମ୍ପରାକୁ ବନ୍ଦ ନକରି ସର୍ତ୍ତମୂଳକ ଭାବେ ରଥଯାତ୍ରାକୁ ଅନୁମତି ଦେବାକୁ ଦାବି ହୋଇଛି ।
ସ୍ନାନଯାତ୍ରା ଭଳି ରଥଯାତ୍ରାକୁ ମଧ୍ୟ ଆୟୋଜନ ହୋଇପାରିବ ବୋଲି ଆଶା କରିଛନ୍ତି ଓଡ଼ିଶାବାସୀ । ଅନ୍ୟପଟେ ପୁରୀରେ ରଥ ଉପରେ ଆଜ୍ଞାମାଳ ବିଜେ ନୀତି ସମାପନ ହୋଇସାରିଛି । ଏବେ ସୁପ୍ରିମକୋର୍ଟଙ୍କ ରଥଯାତ୍ରା ହେବା ନେଇ ପୁନଃବିଚାର ନିଷ୍ପତିକୁ ସମସ୍ତେ ଚାହିଁ ବସିଛନ୍ତି ।
ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ
