ଭଦ୍ରକ: ଅବକାରୀ କର୍ମଚାରୀମାନଙ୍କୁ ମଦ ମାଫିଆଙ୍କ ଆକ୍ରମଣ ଘଟଣା। 3 ଅଭିଯୁକ୍ତଙ୍କୁ ଗିରଫ କଲା ଭଦ୍ରକ ପୁରୁଣା ବଜାର ଥାନା ପୁଲିସ। ଖବର ଅନୁଯାୟୀ, ଚଳିତ ମାସ 7 ତାରିଖ ଦିନ ପୁରୁଣା ବଜାର ଥାନା ମିର୍ଜାପୁର ଅଞ୍ଚଳରେ, ଅବକାରୀ ବିଭାଗ ପକ୍ଷରୁ ଚଢାଉ କରାଯାଇଥିଲା। ଏହି ଚଢାଉ ସମୟରେ ବିପୁଳ ପରିମାଣର ମଦ ସହ 2 ଜଣ ଗିରଫ ହୋଇଥିଲେ। ହେଲେ ମଦ ମାଫିଆ ମାନଙ୍କ ପାଲଟା ଆକ୍ରମଣର ଶିକାର ହୋଇଥିଲେ ଅବକାରୀ କର୍ମଚାରୀ ଏବଂ ଅଭିଯୁକ୍ତ ମାନେ ଫେରାର ହେବା ସହ ମଦକୁ ବି ଛଡ଼ାଇ ନେଇଥିଲେ ।
ଅବକାରୀ କର୍ମଚାରୀଙ୍କ ଉପରେ ମଦ ମାଫିଆଙ୍କ ଆକ୍ରମଣ ଘଟଣା, 3 ଗିରଫ
ଏହି ପ୍ରତିଆକ୍ରମଣରେ 7 ଅବକାରୀ କର୍ମଚାରୀ ମଧ୍ୟ ଆହତ ହୋଇଥିଲେ। ପରେ ଏନେଇ ଥାନାରେ ଅଭିଯୋଗ ହୋଇଥିଲା। ଶେଷରେ ପୋଲିସ ପକ୍ଷରୁ ବିଭିନ୍ନ ସ୍ଥାନରେ ଚଢାଉ କରି 3 ଜଣ ଅଭିଯୁକ୍ତଙ୍କୁ ଗିରଫ କରିଛି । ଏହି ଅଭିଯୁକ୍ତମାନେ ମିର୍ଜାପୁର ଅଞ୍ଚଳର ତପନ ବେହେରା, ଆମର ବେହେରା ଓ ଦୀପକ ବେହେରା ବୋଲି ଜଣାପଡିଛି।
ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ
