ଟ୍ରେନରେ କଟି ଯୁବକ ମୃତ

କୌଣସି ଘରୋଇ ସମସ୍ୟା ନେଇ ବାପାଙ୍କ ସହ ଝଗଡା କରି ପୁଅ ସଂଗ୍ରାମ ସାଇକେଲ ନେଇ ଘରୁ ପଳାଇ ଆସିଥିଲା । ସାଇକେଲକୁ ଭଦ୍ରକ ଷ୍ଟେସନ ପାଖରେ ରଖି ଚାଲି ଚାଲି ଡଗରସାହି ଲେବଲ କ୍ରସିଂ ପାର ହୋଇ ଟ୍ରେନ ଆଗକୁ ଡେଇଁ ପଡି ଆତ୍ମହତ୍ୟା କରୁଥିବା ଅନୁମାନ କରାଯାଉଛି । ପଢନ୍ତୁ ସମ୍ପୂର୍ଣ୍ଣ ଖବର..

ଭଦ୍ରକ: ଟ୍ରେନରେ କଟି ଯୁବକ ମୃତ୍ୟୁ । ଭଦ୍ରକ ଟାଉନ ଥାନା ଅନ୍ତର୍ଗତ ରେଳ ଷ୍ଟେସନର ଅଳ୍ପ କିଛି ଦୂରରେ ଏକ ଅଭାବନୀୟ ଘଟଣା ଘଟିଛି । ପୋଲିସ ରିପୋର୍ଟ ଅନୁଯାୟୀ ଯାଜପୁର ଜିଲ୍ଲା ମଙ୍ଗଳପୁର ଥାନା ଅଧିନସ୍ଥ ଧନୀପୁର ପାଳସାହି ଗାଁର ଗଦାଧର ସାହୁଙ୍କ ପୁଅ ସଂଗ୍ରାମ ସାହୁ ।

ଖବରମୁତାବକ, କୌଣସି ଘରୋଇ ସମସ୍ୟା ନେଇ ବାପାଙ୍କ ସହ ଝଗଡା କରି ପୁଅ ସଂଗ୍ରାମ ସାଇକେଲ ନେଇ ଘରୁ ପଳାଇ ଆସିଥିଲା । ସାଇକେଲକୁ ଭଦ୍ରକ ଷ୍ଟେସନ ପାଖରେ ରଖି ଚାଲି ଚାଲି ଡଗରସାହି ଲେବଲ କ୍ରସିଂ ପାର ହୋଇ ଟ୍ରେନ ଆଗକୁ ଡେଇଁ ପଡି ଆତ୍ମହତ୍ୟା କରିଥିଲେ । ଖବର ପାଇ ରେଳବାଇ ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହ ଉଦ୍ଧାର କରିବା ସହ ବ୍ୟବଚ୍ଛେଦ ପାଇଁ ଭଦ୍ରକ ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତରିତ କରାଯାଇଥିଲା ।

ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ