ଭଦ୍ରକ: ମଙ୍ଗଳବାର ବିଳମ୍ବିତ ରାତିରେ ସଡକ ଦୁର୍ଘଟଣା । ଭାରସାମ୍ୟ ହରାଇ କଣ୍ଟେନରକୁ ପିଟିଲା କାର । ଘଟଣାରେ ଜଣେ ମୃତ, 3 ଗୁରୁତର । ଦୁର୍ଘଟଣାଟି ଭଦ୍ରକ 16ନଂ ଜାତୀୟ ରାଜପଥ ଚରମ୍ପା ଧାମରା ଓଭରବ୍ରିଜ ନିକଟରେ ଘଟିଛି ।
ଭାରସାମ୍ୟ ହରାଇ କଣ୍ଟେନରକୁ ପିଟିଲା କାର
କାରଟି ଭଦ୍ରକରୁ ବାସୁଦେବପୁର ମନ୍ଦାର ଅଭିମୁଖେ ଯାଉଥିଲା । ଏହି ସମୟରେ କାରଟି ଭାରସାମ୍ୟ ହରାଇଥିବାବେଳେ ରାସ୍ତାରେ କଡରେ ରହିଥିବା ଏକ କଣ୍ଟେନରକୁ ଧକ୍କା ଦେଇଥିଲା । ଯେଉଁଥିରେ କାରରେ ଥିବା 4 ଜଣ ଯାତ୍ରୀ ଗୁରୁତର ଆହତ ହୋଇଥିଲେ ।
ଘଟଣାସ୍ଥଳରେ ଅଗ୍ନିଶମ ବାହିନୀ ସେମାନଙ୍କୁ ଉଦ୍ଧାର କରି ମେଡିକାଲରେ ଭର୍ତ୍ତି କରିଥିଲେ । ହେଲେ ସେଠାରେ ଜଣଙ୍କର ମୃତ୍ୟୁ ହୋଇଛି । ମୃତକ ବାସୁଦେବପୁର ସୁରେଶପୁର ଗାଁର କଟି ମଲ୍ଲିକ ବୋଲି ଜଣାପଡିଛି । ଅନ୍ୟ ଗୁରୁତରଙ୍କ ସ୍ବାସ୍ଥ୍ୟବସ୍ଥା ସଙ୍କଟାପନ୍ନ ହେବାରୁ ତାଙ୍କୁ କଟକ ସ୍ଥାନାନ୍ତରିତ କରାଯାଇଥିବା ସୂଚନା ।
ଭଦ୍ରକୁ ଦେବଶିଷ ମହାପାତ୍ର, ଇଟିଭି ଭାରତ
