ଭଦ୍ରକ: ଆକ୍ସନ ମୁଡରେ ଅବକାରୀ ବିଭାଗ । ଶୁକ୍ରବାର ଜିଲ୍ଲାର ବିଭିନ୍ନ ସ୍ଥାନରେ ଚଢାଉ କରି ପ୍ରାୟ 650 ଲିଟର ଦେଶୀ ରନ୍ଧା ମଦ ଜବତ କରିଛି ଅବକାରୀ ବିଭାଗ। ଏହାର ଆନୁମାନିକ ବଜାର ମୂଲ୍ୟ ଏକ ଲକ୍ଷରୁ ଊର୍ଦ୍ଧ୍ବ ହେବ । ଏହି ଘଟଣାରେ 6ଜଣଙ୍କୁ ପୋଲିସ ଗିରଫ କରିଛି ।
ମିଳିଥିବା ସୂଚନା ମୁତାବକ ଭଦ୍ରକ ଅବକାରୀ ବିଭାଗ ଜିଲ୍ଲାର ଭିନ୍ନ ଭିନ୍ନ ସ୍ଥାନରେ ଚଢାଉ କରିଥିଲା । ଫଳରେ ଜିଲ୍ଲାର ବିଭିନ୍ନ ସ୍ଥାନରୁ ପ୍ରାୟ 650 ଲିଟରର ଦେଶୀ ରନ୍ଧା ମଦ ଜବତ କରିବା ସହ ଦୁଇଟି ବାଇକ ଓ ଗୋଟେ ଅଟୋ ମଧ୍ୟ ଜବତ ହୋଇଛି । ଜବତ ହୋଇଥିବା ଦେଶୀ ମଦର ଆନୁମାନିକ ମୂଲ୍ୟ ପ୍ରାୟ 1ଲକ୍ଷ ଟଙ୍କାରୁ ଉର୍ଦ୍ଧ୍ବ ହେବ ବୋଲି ପୋଲିସ ସୂଚନା ଦେଇଛି । ଏହି ଘଟଣାରେ ସମ୍ପୃକ୍ତ ଥିବା 6ଜଣ ଅପରାଧୀଙ୍କୁ ପୋଲିସ ଗିରଫ କରିଛି ।
ତେବେ ଗିରଫ ହୋଇଥିବା 6ଜଣ ଅପରାଧୀ ହେଉଛନ୍ତି ଦୀପକ ସାମଲ, ଗଜି ସେଠି, ଭଗବାନ ଦାସ, ପ୍ରକାଶ ଦାସ, ଶ୍ରୀଧର ସେନାପତି ଓ ଶ୍ରୀକୁମାର ଦାସ । ଭଦ୍ରକ ଅବକାରୀ ବିଭାଗ ଇନ୍ସପେକ୍ଟର ଧନେଶ୍ବର ବରାଡ଼ଙ୍କ ନେତୃତ୍ବରେ ଜିଲ୍ଲାର ବିଭିନ୍ନ ସ୍ଥାନରେ ଏହି ଚଢାଉ କରାଯାଇଥିବା ଜଣାପଡିଛି।
ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ
