ଭଦ୍ରକ: ମହୁରଳ ଆକ୍ରମଣରେ ଜଣେ 5 ବର୍ଷର ନାବାଳିକା ଶିଶୁକନ୍ୟାର ମୃତ୍ୟୁ ଘଟିଛି। ଏଭଳି ଦୁଃଖଦ ଘଟଣା ଘଟିଛି ବାସୁଦେବପୁର ବ୍ଲକ ପାରାପୋଖରୀ ଗ୍ରାମରେ। ମୃତ ନାବାଳିକା ଜଣଙ୍କ ପାରାପୋଖରୀ ଗ୍ରାମର ଗଣେଶ ବିଶ୍ବାଳଙ୍କ ଝିଅ ସାବିତ୍ରୀ ବିଶ୍ବାଳ।
ଭିଡିଓ ସୌଜନ୍ୟ: ସମ୍ବାଦଦାତା, ଭଦ୍ରକ
ସୂଚନା ଅନୁଯାୟୀ, ସାବିତ୍ରୀ ଘର ଆଗରେ ଖେଳୁଥିବା ବେଳେ କିଛି ମହୁରାଳ ପୋକ ତାଙ୍କୁ ଆକ୍ରମଣ କରିଥିଲେ। ଏହାପରେ ପରିବାର ଲୋକ ତାଙ୍କୁ ଘରୋଇ ଚିକିତ୍ସା କରିଥିଲେ। ଫଳରେ ସାବିତ୍ରୀ ଯନ୍ତ୍ରଣାରୁ ସାମାନ୍ୟ ଆରୋଗ୍ୟ ଲାଭ କରିଥିଲା ।
କିଛି ସମୟ ପରେ ସାବିତ୍ରୀର ଅବସ୍ଥା ପୁଣି ଗୁରୁତର ହେବାରୁ ତାଙ୍କୁ ବାସୁଦେବପୁର ମେଡିକାଲକୁ ଆଣାଯାଇଥିଲା। ମାତ୍ର ସେଠାରେ ଡାକ୍ତର ତାକୁ ମୃତ ଘୋଷଣା କରିଥିଲେ।
ଭଦ୍ରକରୁ ଦେବାଶିଷ୍ ମହାପାତ୍ର, ଇଟିଭି ଭାରତ
