ଭଦ୍ରକ: 30 ଗ୍ରାମ ବ୍ରାଉନ ସୁଗାର ଜବତ ହେବା ସହ 2 ଜଣଙ୍କୁ ଗିରଫ କରାଯାଇଛି । ଏନେଇ ଅଧିକ ତଦନ୍ତ ଜାରି ରଖିଛି ପୋଲିସ। ସୂଚନା ଅନୁଯାୟୀ ଭଦ୍ରକ ଗ୍ରାମାଞ୍ଚଳ ପୋଲିସ ରାଣୀତାଲ ନିକଟରେ ପାଟ୍ରୋଲିଂ କରୁଥିବା ସମୟରେ ସନ୍ଦେହରେ 2 ଜଣ ଯୁବକଙ୍କୁ ଜଗଦଳପୁର କେନାଲ ରୋଡ ନିକଟରେ ଅଟକାଇଥିଲା । ପରେ ସେମାନଙ୍କ ନିକଟରୁ ଦୁଇଟି ବ୍ରାଉନସୁଗାର ପେକେଟ ଜବତ କରିଥିଲା। ଯାହାର ଆନୁମାନିକ ବଜାର ମୂଲ୍ୟ 3 ଲକ୍ଷରୁ ଅଧିକ ଟଙ୍କା ହେବ ବୋଲି କୁହାଯାଉଛି ।
ବ୍ରାଉନସୁଗାର ଜବତ , 2 ଗିରଫ
ପରେ ପୋଲିସ ଦୁଇ ଜଣ ଯୁବକଙ୍କୁ ଗିରଫ କରିବା ସହ ସେମାନଙ୍କ ନିକଟରୁ ଦୁଇଟି ମୋବାଇଲ ଓ ମୋଟର ସାଇକେଲ ମଧ୍ୟ ଜବତ କରିଛି। ଯୁବକ ଦୁଇଜଣ ସ୍ଥାନୀୟ ଅଞ୍ଚଳର ବନମାଳୀ ମଲିକ,ଭରତ ମଲିକ ବୋଲି ଜଣାପଡିଛି। ଏନେଇ ପୋଲିସ ପକ୍ଷରୁ ଅଧିକ ତଦନ୍ତ ଜାରି ରଖିଛି।
ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ
