ଭଦ୍ରକ: ଭାରସାମ୍ୟ ହରାଇ ଓଲଟିଲା ଯାତ୍ରୀବାହୀ ବସ । ଫଳରେ 11 ଜଣ ଆହତ ହୋଇଥିବା ଜଣାପଡିଛି । ଭଦ୍ରକ 16 ନଂ ଜାତୀୟ ରାଜପଥରେ ଦୁର୍ଘଟଣା ଘଟିଛି । ସମସ୍ତ ଆହତଙ୍କୁ ଭଦ୍ରକ ମେଡିକାଲରେ ଭର୍ତ୍ତି କରାଯାଇଛି ।
ପୋଲ ତଳକୁ ଖସିଲା ବସ, 11 ଆହତ
ସୂଚନା ଅନୁଯାୟୀ, ଯାତ୍ରୀବାହୀ ବସଟି 50ରୁ ଉର୍ଦ୍ଧ୍ବ ଲୋକଙ୍କୁ ନେଇ କୋଲକାତାରୁ ଭୁବନେଶ୍ବର ଅଭିମୁଖେ ଯାଉଥିଲା । 16 ନମ୍ବର ଜାତୀୟ ରାଜପଥ ତ୍ରିଶଳପୁର ଛକ ନିକଟରେ କୌଣସି କାରଣରୁ ବସଟି ଭାରସ୍ୟାମ ହରାଇ ଜାତୀୟ ରାଜପଥ ତଳକୁ ଖସି ପଡିଥିଲା ।
ବସଟି ଓଲଟି ଗୋଟିଏ ପୋଲ ବାଡାରେ ଅଟକି ରହିବାରୁ ବଡ ଦୁର୍ଘଟଣାରୁ ବର୍ତ୍ତି ଯାଇଛି । ଦୁର୍ଘଟଣାରେ ଆହତ ହୋଇଥିବା 11 ଜଣ ଲୋକଙ୍କୁ ଅଗ୍ନିଶମ ବାହିନୀ ଉଦ୍ଧାର କରି ଭଦ୍ରକ ମେଡିକାଲରେ ଭର୍ତ୍ତି କରିଥିବା ସୂଚନା ରହିଛି ।
ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ
