ଭଦ୍ରକ: ସାବିତ୍ରୀ ଅମାବାସ୍ୟାରେ ଦୁଃଖଦ ଘଟଣା ଘଟିଛି। ସର୍ପ ଦଂଶନରେ ଜଣେ ପ୍ରାଣ ହରାଇ ଥିବାବେଳେ ଆଉ ଜଣେ ଗୁରୁତର ହୋଇଛନ୍ତି । ଏଭଳି ଅଭାବନୀୟ ଘଟଣା ଘଟିଛି ଭଦ୍ରକର ଭଣ୍ଡାରିପୋଖରୀ ହାଟଡିହିରେ ଘଟିଛି ।
ଭିଡିଓ ସୌଜନ୍ଯ:ସମ୍ବାଦଦାତା, ଭଦ୍ରକ
ସୂଚନା ଅନୁଯାୟୀ, ସୋମବାର ଅପରାହ୍ନରେ ଭଣ୍ଡାରିପୋଖରୀ ହାଟଡିହି ଗ୍ରାମରେ ପଞ୍ଚମ ଶ୍ରେଣୀ ଛାତ୍ରୀ ଦେବୀ ଜେନା ଘରେ ଶୋଇଥିବା ବେଳେ ତାଙ୍କୁ ନାଗ ସାପ କାମୁଡିଥିଲା । ଏହାପରେ ତୁରନ୍ତ ଘର ଲୋକ ତାଙ୍କୁ ଗୁରୁତର ଅବସ୍ଥାରେ ନିକଟସ୍ଥ ଡାକ୍ତରଖାନାକୁ ନେଇଥିଲେ । କିନ୍ତୁ ସେଠାରେ ତାଙ୍କୁ ଡାକ୍ତର ମୃତ ଘୋଷଣା କରିଥିଲେ।
ସେହିପରି ତାଙ୍କ ପଡୋଶୀ ମହିଳା ଜୟନ୍ତୀ ଜେନା ମଧ୍ୟ ଘରେ ଶୋଇଥିବା ସମୟରେ ତାଙ୍କୁ ବିଷଧର ନାଗ ସାପ କାମୁଡିଥିଲା । ଏହାପରେ ତାଙ୍କୁ ଗୁରୁତର ଅବସ୍ଥାରେ ଭଦ୍ରକ ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିବା ନେଇ ସୂଚନା ମିଳିଛି । ଏପଟେ ଘଟଣାସ୍ଥଳରେ ସାପ ଧରାଳି ମିର୍ଜ଼ା ପହଞ୍ଚି ଦୁଇ ବିଷଧର ନାଗ ସାପକୁ ଉଦ୍ଧାର କରିଛନ୍ତି।
ଭଦ୍ରକରୁ ଦେବାଶିଷ୍ ମହାପାତ୍ର, ଇଟିଭି ଭାରତ
