ବରଗଡ଼: ଜିଲ୍ଲାର ଗାଇସିଲେଟ ଅଞ୍ଚଳରେ ହାତୀ ଆତଙ୍କ । ଗାଁ ମୁଁହା ହୋଇଥିବା ଜଙ୍ଗଲୀ ହାତୀଙ୍କ ଉପଦ୍ରବ କାରଣରୁ ଆତଙ୍କିତ ହୋଇପଡ଼ିଛନ୍ତି ଲୋକେ । ବହୁ ଧାନ ଫସଲ ନଷ୍ଟ କରିବା ସହିତ ଘର ଭାଙ୍ଗି ଚାଲିଯାଇଛନ୍ତି ହାତୀପଲ । ଅନ୍ୟପଟେ ଜଙ୍ଗଲ ବିଭାଗ ପକ୍ଷରୁ ହାତୀଙ୍କୁ ଘଉଡାଇବାକୁ ଜାରି ରହିଛି ଉଦ୍ୟମ ।
ସ୍ଥାନୀୟ ଲୋକଙ୍କ କହିବା ଅନୁସାରେ ଆଗରୁ ଏପଟକୁ ହାତୀ ଆସୁନଥିଲେ କିନ୍ତୁ, ଗତବର୍ଷରୁ ହାତୀ ଏଇ ରାସ୍ତା ଦେଇ ଆସୁଛନ୍ତି ଓ ଏକର ଏକର ଚାଷ ଜମି ମାଡି ନଷ୍ଟ କରିଦେଇଛନ୍ତି । ଏନେଇ ଗାଇସିଲେଟ ବନବିଭାଗ କ୍ଷତିଗ୍ରସ୍ତ ଅଞ୍ଚଳକୁ ପହଞ୍ଚି କ୍ଷତିପୂରଣ ଦେବା ନେଇ ପ୍ରତିଶ୍ରୁତି ଦେଇଥିବାବେଳେ କିନ୍ତୁ କମ୍ ମୂଲ୍ୟ ଘୋଷଣା ପାଇଁ ଚାଷୀ ଅସନ୍ତୋଷ ପ୍ରକାଶ କରିଛନ୍ତି । ବର୍ତ୍ତମାନ ମଧ୍ୟ ଆଖ ପାଖ ଅଞ୍ଚଳରେ ହାତୀ ଥିବାର ସୂଚନା ବନବିଭାଗ ଦେଇଥିବା ବେଳେ ଏହି ହାତୀପଲକୁ ଘଉଡାଇବାକୁ ଜୋରଦାର ଉଦ୍ୟମ କରାଯାଉଛି ଏବଂ ଯେଉଁ ଚାଷୀଙ୍କ ଫସଲ କ୍ଷତି ହୋଇଛି ସେମାନଙ୍କୁ କ୍ଷତିପୂରଣ ଦିଆଯିବ ବୋଲି କହିଛନ୍ତି ବରଗଡ଼ ବନଖଣ୍ଡ ବିଭାଗର ରେଞ୍ଜର ।
ବରଗଡ଼ରୁ ରାଜେଶ ସରାଫ, ଇଟିଭି ଭାରତ
