ବରଗଡ: ଜିଲ୍ଲାର ଡାଙ୍ଗ ଛକ ନିକଟରେ ଏକ ଟ୍ରକ ଧକ୍କାରେ ଦୁଇଜଣ ଗୁରୁତର ଭାବରେ ଆହତ ହୋଇଛନ୍ତି । ଜଣଙ୍କର ଅବସ୍ଥା ସଂଙ୍କଟାପନ୍ନ ଥିବା ଜଣାପଡିଛି । ସେମାନଙ୍କୁ ବୁର୍ଲା ମେଡିକାଲକୁ ପଠାଯାଇଛି ।
ସୂଚନାଅନୁସାରେ, ଖଳିଆପାଳି ଗ୍ରାମର ସୁଭମ ମିଶ୍ର ଏବଂ ପଦ୍ମାବତି ଦାସ ବାଇକରେ ଘରକୁ ଯାଉଥିବା ବେଳେ କେନ୍ଦ୍ରିୟ ବିଦ୍ୟାଳୟ ସମ୍ମୁଖରେ ଗୋଟିଏ ୧୪ ଚକିଆ ଟ୍ରକ ତାଙ୍କୁ ଧକ୍କା ଦେଇଥିଲା । ଜିଲ୍ଲାର ଏସିସି ସିମେଣ୍ଟ କାରଖାନାରୁ ସିମେଣ୍ଟ ଅନଲୋଡ କରି ଫେରୁଥିବା ବେଳେ ଟ୍ରକଟି ଦୁର୍ଘଟଣା ଘଟାଇଥିଲା । ଫଳରେ ବାଇକରେ ଥିବା ଦଇଜଣ ଗୁୁରୁତର ଭାବରେ ଆହତ ହୋଇଛନ୍ତି । ସେମାନଙ୍କୁ ପ୍ରଥମେ ବରଗଡ ଡାକ୍ତରଖାନାକୁ ନିଆଯାଇଥଲା । ପରେ ପଦ୍ମାବତୀଙ୍କ ଅବସ୍ଥା ସଂଙ୍କଟାପନ୍ନ ହେବାରୁ ତାଙ୍କୁ ବୁର୍ଲା ବଡ ମେଡିକାଲକୁ ସ୍ଥାନନ୍ତର କରାଯାଇଛି ।
ତେବେ ଦୁର୍ଘଟଣା ଘଟାଇ ଟ୍ରକ ଡ୍ରାଇଭର ଘଟଣାସ୍ଥଳରୁ ଫେରାର ହୋଇଯାଇଛନ୍ତି । ଦୁ୍ର୍ଘଟଣାରେ ସ୍ଥାନୀୟ ଲାେକ ଉତ୍ୟକ୍ତ ହୋଇ ରାସ୍ତା ଅବରୋଧ କରିବା ସହିତ କ୍ଷତିପୂରଣ ଦାବି କରିଥିଲେ । ପୋଲିସ ଘଟଣାସ୍ଥଳରେ ପହଞ୍ଚି ଲୋକଙ୍କୁ ବୁଝାସୁଝା କରିବା ପରେ ରାସ୍ତା ଅବରୋଧ ହଟିଥିଲା । ପୋଲିସ ଟ୍ରକଟିକୁ ଜବତ କରିବା ସହିତ ତହନ୍ତ ଆରମ୍ଭ କରିଛି ।
ବରଗଡରୁ ରାଜେଶ ସରାପ, ଇଟିଭି ଭାରତ
