ବରଗଡ: ଭଟଲି ବିଧାନସଭା ନିର୍ବାଚନ ମଣ୍ଡଳୀ ପାଇଁ ଆଜି ବିଜେଡି ଦଳର ପ୍ରାର୍ଥୀ ସୁଶାନ୍ତ ସିଂ ତାଙ୍କର ପ୍ରାର୍ଥୀପତ୍ର ଦାଖଲ କରିବେ । ଗତକାଲି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ନାମାଙ୍କନ ପତ୍ର ଦାଖଲ କରିଥିଲେ । ଗୁରୁବାର ସୁଶାନ୍ତ ସିଂ ପ୍ରାର୍ଥୀପତ୍ର ଦାଖଲ କରିବେ ବୋଲି ଜଣାପଡିଛି ।
ଭିଡିଓ ସୌଜନ୍ୟ: ସମ୍ବାଦଦାତା, ବରଗଡ
ପୁଣି ଥରେ ଭଟଲି ପାଇଁ ବିଜେଡି ଟିକେଟ ପାଇବା ପରେ ତାଙ୍କୁ ନିର୍ବାଚନ ମଣ୍ଡଳୀରେ ବିପୁଳ ସ୍ବାଗତ କରାଯାଇଥିଲା । ସେ ଲୋକଙ୍କ ସହିତ ରହିଥିବାରୁ ପୁଣି ଥରେ ଟିକେଟ ପାଇଲେ ଓ ଏଥର ମଧ୍ୟ ବିପୁଳ ବ୍ୟବଧାନରେ ଜିତିବେ ବୋଲି ତାଙ୍କ ସମର୍ଥକ କହିଛନ୍ତି ।
ସୁଶାନ୍ତ କିଛି ଦିନ ଧରି ଅସୁସ୍ଥ ଥିଲେ । ବର୍ତ୍ତମାନ ସୁସ୍ଥ ହୋଇ ନିଜ ନାମାଙ୍କନ ଭରିବା ପାଇଁ ନିର୍ବାଚନ ମଣ୍ଡଳୀକୁ ଆସିଛନ୍ତି ।
ବରଗଡରୁ ରାଜେଶ ସରାପ୍, ଇଟିଭି ଭାରତ
