ଲକଡାଉନ ପ୍ରଭାବ: ବରଗଡ ଚିନିକଳ କର୍ମଚାରୀଙ୍କୁ ସାହା ହେଲେ ସମାଜସେବୀ

୩୦ ମାସର ଦରମା ପାଇନାହାଁନ୍ତି ବରଗଡ ଚିନି କାରଖାନାର କର୍ମଚାରୀ । କାରଖାନାର କର୍ମଚାରୀଙ୍କ କରୁଣ ଗୁହାରି ଶୁଭିଲା ନାହିଁ । ତେବେ ଇଟିଭି ଭାରତରେ ନ୍ୟୁଜ ପ୍ରସାରିତ ହେବାପରେ ବରଗଡର କିଛି ସମାଜସେବୀ ଲକଡାଉନ ସମୟରେ ଆର୍ଥିକ ସହାୟତାର ହାତ ବଢାଇଛନ୍ତି |

ବରଗଡ: ଲକଡାଉନକୁ ୨୧ ଦିନ ପୂରିଯାଇଛି ରାଜ୍ୟ ସରକାର କେତେ ଗରିବଙ୍କୁ ଖାଦ୍ୟ ଓ ଅର୍ଥ ଯୋଗେଇ ଦେଉଛନ୍ତି । ହେଲେ ୩୦ ମାସର ଦରମା ପାଇନଥିବା ବରଗଡ ଚିନି କାରଖାନାର କର୍ମଚାରୀଙ୍କୁ ଅଣଦେଖା କରିଦେଲେ | ଏହି ଲକଡାଉନ ମଧ୍ୟରେ ଅର୍ଥାଭାବ କାରଣରୁ ଅବସରପ୍ରାପ୍ତ ଜଣେ କର୍ମଚାରୀ ରାଧେଶ୍ୟାମ ପାଣ୍ଡେ ଜୀବନ ହରାଇଲେ | ନା ସେ ଚିକିତ୍ସିତ ହୋଇପାରିଲେ ନା ଖାଇବାକୁ ପାଇଲେ ଏବଂ ଶେଷରେ ଆରପାରିକୁ ଚାଲିଗଲେ | କାରଖାନାର କର୍ମଚାରୀଙ୍କ କରୁଣ ଗୁହାରି ଶୁଭିଲା ନାହିଁ । ବରଗଡର କିଛି ସମାଜସେବୀ ସହ୍ୟ କରିପାରିନଥିଲେ ଏହି ପରିବାରର କରୁଣ ଦୃଶ୍ୟକୁ ଏବଂ ଲକଡାଉନ ସମୟରେ ଆର୍ଥିକ ସହାୟତାର ହାତ ବଢାଇଛନ୍ତି |

3୦ ମାସରୁ ଦରମା ପାଇନଥିବା ଚିନିକଳର ବହୁ ପରିବାର ଏହି ଲକ୍‌ଡାଉନ ସମୟରେ କିପରି ଜୀବନ ବିତାଉଛନ୍ତି ତାହା ଦେଖିବାକୁ ଆଜି ଏମାନଙ୍କ ପାଖକୁ କୌଣସି ରାଜନେତାଙ୍କ ପାଖରେ ସମୟ ନାହିଁ | ହେଲେ ଏବେ ବି ମାନବିକତା ବଞ୍ଚିରହିଛି , ବରଗଡର କିଛି ଯୁବକ ଏଠାକାର ଲୋକଙ୍କ ଦୁଃଖ ଶୁଣି ସାହାଯ୍ୟର ହାତ ବଢାଇବା ପାଇଁ ଆଗେଇ ଆସିଛନ୍ତି । କିନ୍ତୁ ଚାତକ ପକ୍ଷୀ ପରି ସରକାରଙ୍କ ସାହାଯ୍ୟର ଅପେକ୍ଷାରେ ରହିଥିବା ଏଠାକାର ଲୋକଙ୍କ ପାଇଁ ସମୁଦ୍ରକୁ ଶଙ୍ଖେ ପରି ହେଉଛି ସାହାଯ୍ୟ |

ବରଗଡରୁ ରାଜେଶ ସରାପ, ଇଟିଭି ଭାରତ