ବରଗଡ: ମୁହଁରେ ଫୁଟିଲା ହସ । ଶେଷ ହୋଇଛି ଚିନି କାରଖାନା କର୍ମଚାରୀଙ୍କ ଧାରଣା । ବରଗଡ ବ୍ଲକ ତୋରାରେ ଥିବା ଚିନି କାରଖାନାକୁ ମୁଖ୍ୟମନ୍ତ୍ରୀ 11 କୋଟି ଟଙ୍କାର ଅନୁଦାନ ଘୋଷଣା କରିଛନ୍ତି । ଫଳରେ ପ୍ରାୟ 24 ମାସର ଦରମା ନପାଇ ଜିଲ୍ଲାପାଳଙ୍କ କାର୍ଯ୍ୟାଳୟ ଆଗରେ ଧାରଣାରେ ବସିଥିବା କର୍ମଚାରୀ ଆନ୍ଦୋଳନରୁ ଓହରିଛନ୍ତି ।
ସୂଚନା ଅନୁଯାୟୀ, 2 ବର୍ଷ ହେଲା ଦରମା ପାଇ ନଥିବାରୁ ଚିନି କାରଖାନାର 220 ଜଣ କର୍ମଚାରୀଙ୍କ ସହ ତାଙ୍କ ପରିବାର କାରଖାନା ସମ୍ମୁଖରେ ଆନ୍ଦୋଳନ କରିଥିଲେ । ତେବେ ଦୀର୍ଘ ଦିନ ଆନ୍ଦୋଳନ କରିବା ପରେ କୌଣସି ସୁଫଳ ନ ମିଳିବାରୁ ଆନ୍ଦୋଳନକାରୀ ବରଗଡ ଜିଲ୍ଲାପାଳ ଅଫିସ ଆଗରେ ଅନିର୍ଦିଷ୍ଟ କାଳ ପର୍ଯ୍ୟନ୍ତ ଧାରଣାରେ ବସିଥିଲେ ।
ଶେଷରେ ଚିନି କାରଖାନାକୁ ମୁଖ୍ୟମନ୍ତ୍ରୀ ଆର୍ଥିକ ଅନୁଦାନ ଘୋଷଣା କରିବା ପରେ ଆନ୍ଦୋଳନରୁ ଓହରିଛନ୍ତି କର୍ମଚାରୀ । ଏହା ସହ ପୂର୍ବପରି କାରଖାନାରେ କାମ କରି ପରିବାର ପ୍ରତିପୋଷଣ କରି ପାରିବେ ବୋଲି କହିବା ସହ ମୁଖ୍ୟମନ୍ତ୍ରୀଙ୍କୁ କୃତଜ୍ଞତା ଜ୍ଞାପନ କରିଛନ୍ତି ।
ବରଗଡରୁ ରାଜେଶ କୁମାର ସରାପ, ଇଟିଭି ଭାରତ
