ବରଗଡ: କୋରୋନା ଲଢେଇରେ କଳାକାର । ମହାମାରୀ ସମୟରେ ସାଜିଲେ ସଚେତକ । ନିଜ କଳା ମାଧ୍ୟମରେ ମନୋରଞ୍ଜନ କରୁଥିବା କଳାକାର ଆଜି ଏପରି ଘଡିସନ୍ଧି ମୁହୂର୍ତ୍ତରେ ଲୋକଙ୍କୁ ଜାଗୃତ କରୁଛନ୍ତି । ପ୍ଲାଜମା ଥେରିପା ମାଧ୍ୟମରେ ଗୁରୁତର ରୋଗୀ ସୁସ୍ଥ ହେଉଥିବା ଜାଣି ବଲାଙ୍ଗୀର ଜଣେ ମଞ୍ଚ ଅଭିନେତା ଗୁରୁତର ରୋଗୀଙ୍କ ପ୍ଲାଜମା ଦାନ କରିବାକୁ ଆହ୍ବାନ କରୁଛନ୍ତି ।
କୋରୋନା ସଂକ୍ରମଣରେ ବ୍ରେକ ଲାଗୁନି। ଯାହାକୁ ନେଇ ଲୋକେ ଅଧିକା ଭୟଭୀତ ହୋଇପଡୁଛନ୍ତି । ବରଗଡରେ ବର୍ତ୍ତମାନ ସଂକ୍ରମିତ ମାମଲା 700 ଟପିବା ସହ ମୃତ୍ୟୁ ସଂଖ୍ୟାରେ ବୃଦ୍ଧି ପାଇଛି । ସେପଟେ, ପ୍ଲାଜମା ଥେରାପି ମାଧ୍ୟମରେ ଗୁରୁତର ରୋଗୀ ସୁସ୍ଥ ଜାଣିବା ପରେ କଳାକାର ତଥା ଅଭିନେତା ଜଗଦାନନ୍ଦ ମିଶ୍ର ପ୍ଲାଜମା ଦାନ କରିବାକୁ ସଚେତନ କରୁଛନ୍ତି ।
କୋରୋନା ରୁ ରକ୍ଷା ପାଇବା ପାଇଁ ଏବଂ କୋରୋନା ସଂକ୍ରମିତଙ୍କୁ ଆରୋଗ୍ୟ କରିବା ପାଇଁ ଲୋକଙ୍କୁ ନିଜ କଳା ମାଧ୍ୟମରେ ଏକ ନିଆରା ପଦକ୍ଷେପ ଗ୍ରହଣ କରିଛନ୍ତି ଜଗଦାନନ୍ଦ । ନିଜ ଚରିତ୍ର ଓ ବେଶଭୂସାରେ ଘର ଘର ବୁଲି କୋରୋନା ରୁ ସୁସ୍ଥ ହୋଇଥିବା ଲୋକଙ୍କୁ ପ୍ଲାଜମା ଦାନ କରିବାକୁ ସେ ଲୋକଙ୍କୁ ଆହ୍ବାନ କରୁଛନ୍ତି । ଜଗଦାନନ୍ଦଙ୍କ ଏପରି ପଦକ୍ଷେପକୁ ବରଗଡ ବୁଦ୍ଧିଜୀବୀ ମହଲରେ ଖୁବ ପ୍ରଶଂସା କରାଯାଇଛି ।
ବରଗଡରୁ ରାଜେଶ ସରାପ, ଇଟିଭି ଭାରତ
