ବରଗଡ: ଜିଲ୍ଲାର କଳାପାଣି ଠାରେ ହତ୍ୟାକାଣ୍ଡ । ନିଶା ସେବନ କରି ତିନିସାଙ୍ଗଙ୍କ ମଧ୍ୟରେ କଳହ ହେବାପରେ ଠେଙ୍ଗାରେ ଆକ୍ରମଣ କରି ହତ୍ୟା କରାଯାଇଥିବା ଅଭିଯୋଗ ଆସିଛି । ମଦ ନିଶାରେ ଗଣ୍ଡଗୋଳ ହେବାପରେ ଆହତ ଅବସ୍ଥାରେ ବରଗଡ ଡାକ୍ତରଖାନାକୁ ଅଣାଯାଇଥିବା ସୁରେନ ସେଠ ନାମକ ଜଣେ ବ୍ୟକ୍ତିଙ୍କୁ ଡାକ୍ତର ମୃତ ଘୋଷଣା କରିଥିଲେ ।
ମଦ ନିଶାରେ ସାଙ୍ଗଙ୍କ ମଧ୍ୟରେ ଗଣ୍ଡଗୋଳ; ଜଣେ ମୃତ
ଏହି ଘଟଣାର ଖବର ପାଇବା ପରେ ଟାଉନ ପୋଲିସ ମୃତ ସୁରେନ ସାଙ୍ଗରେ ଥିବା ଜଣେ ମହିଳାଙ୍କୁ ନେଇ କଳାପାଣି ପହଞ୍ଚି ତଦନ୍ତ ଆରମ୍ଭ କରିଥିଲେ । ତେବେ ପୋଲିସର ତଦନ୍ତରେ ଏହା ଏକ ହତ୍ୟାକାଣ୍ଡ ବୋଲି ଜଣାପଡିବା ପରେ ହତ୍ୟାକାଣ୍ଡରେ ସମ୍ପୃକ୍ତ ଦୁଇ ଜଣ ସାଙ୍ଗକୁ ପୋଲିସ ଅଟକ ରଖି ପଚରାଉଚରା କରୁଛି ।
ତେବେ ଉକ୍ତ ହତ୍ୟାକାଣ୍ଡ ଘଟଣାରେ ବ୍ୟବହାର କରାଯାଇଥିବା ଠେଙ୍ଗାକୁ ପୋଲିସ ଜବତ କରିଥିବା ବେଳେ ମୃତ ଶରୀରକୁ ବ୍ୟବଚ୍ଛେଦ ପାଇଁ ପଠାଇଛି ।
ବରଗଡରୁ ରାଜେଶ ସରାପ, ଇଟିଭି ଭାରତ
