ବରଗଡ: କୋରୋନା କାଳରେ ଚାଷୀଙ୍କୁ କାଳିଆ ମାଡ । ଏନେଇ ରାଜ୍ୟ ସରକାରଙ୍କ ବିରୋଧରେ ବର୍ଷିଛନ୍ତି ବିଜେପି କୃଷକ ମୋର୍ଚ୍ଚା ରାଜ୍ୟ ସଭାପତି ପ୍ରଦୀପ ପୁରୋହିତ ।
ନିର୍ବାଚନ ସମୟରେ ଚାଷୀଙ୍କୁ ପ୍ରଭାବିତ କରିବା ପାଇଁ କାଳିଆ ଯୋଜନା ଆରମ୍ଭ କରି ଲକ୍ଷ ଲକ୍ଷ ଲୋକଙ୍କୁ କାଳିଆ ଟଙ୍କା ପ୍ରଦାନ କରାଯାଇଥିଲା । କିନ୍ତୁ ଏବେ ରାଜ୍ୟ ସରକାର ଅଯୋଗ୍ୟ ହିତାଧିକାରୀ କହି ଲକ୍ଷାଧିକ ଚାଷୀଙ୍କୁ କାଳିଆ ଯୋଜନାର ଟଙ୍କା ଫେରସ୍ତ କରିବା ପାଇଁ ନୋଟିସ ଜାରି କରିଛନ୍ତି । ତେଣୁ ଯେଉଁ ଅଧିକାରୀମାନେ ହିତାଧିକାରୀ ଚୟନ କରିଛନ୍ତି ସେମାନଙ୍କ ଠାରୁ କାଳିଆ ଟଙ୍କା ବସୁଲି କରାଯାଉ ବୋଲି କହିଛନ୍ତି କହିଛନ୍ତି ପ୍ରଦୀପ ପୁରୋହିତ ।
ତେବେ ବରଗଡ ଜିଲ୍ଲା କୃଷି ପ୍ରଧାନ ଅଞ୍ଚଳ ହୋଇଥିବା ବେଳେ ଏଠାରେ ବହୁ ଚାଷୀ କାଳିଆ ଯୋଜନାର ଅନ୍ତର୍ଭୁକ୍ତ ହୋଇଥିଲେ । ନିର୍ବାଚନ ପୂର୍ବରୁ କିନ୍ତୁ ଏବେ ସରକାର ଚାଷୀଙ୍କୁ ଦେଇଥିବା କାଳିଆ ଯୋଜନାର ଅର୍ଥ ଫେରସ୍ତ କରିବାକୁ ଚାଷୀଙ୍କୁ ନୋଟିସ ଦେଇଛନ୍ତି ଯାହାକୁ ନେଇ ବୁଦ୍ଧିଜୀବୀ ମହଲରେ ଏପରି ଘଟଣାକୁ ନିନ୍ଦା କରାଯିବ ସହିତ ସରକାରଙ୍କ ଅଜବ ନୀତିକୁ ଆକ୍ଷେପ କରିଛନ୍ତି । ତେବେ କାଳିଆ ଯୋଜନାର ଅନ୍ତର୍ଭୁକ୍ତ ନହୋଇ ମଧ୍ୟ କାଳିଆ ଟଙ୍କା ନପାଇ ମଧ୍ୟ କେତେକ ଚାଷୀଙ୍କ ନିକଟକୁ ସରକାରଙ୍କ ଟଙ୍କା ଫେରସ୍ତ ନୋଟିସ ପହଞ୍ଚିବା ଅତି ଦୁର୍ଭାଗ୍ୟଜନକ ବୋଲି ପ୍ରଦୀପ କହିଛନ୍ତି ।
ବରଗଡରୁ ରାଜେଶ ସରାପ, ଇଟିଭି ଭାରତ
