ବରଗଡ: କୁମ୍ଭାର କାରିଗରଙ୍କୁ କାଳ ସାଜିଲା କୋରୋନା । ବେପାରରେ ବାଧା ଦେଲା ଲକଡାଉନ । ଯେଉଁ ସମୟରେ ପ୍ରଚୁର ପରିମାଣରେ ମାଠିଆ ବିକ୍ରି ହୁଏ, ସେହି ସମୟରେ ମାନ୍ଦା ପଡିଲା ବ୍ୟବସାୟ । ସମସ୍ତ ଦୋକାନ ବଜାର ବନ୍ଦ । ନା ବିକ୍ରି ହେଲା ମାଟି ସାମଗ୍ରୀ ନା ଚାଲିଲା ମାଠିଆ ବ୍ୟବସାୟ ।
ଲକଡାଉନ ପରେ ମୌସୁମୀ ବର୍ଷା, ଛଡାଇନେଲା ମାଟି କାରିଗରର ଜୀବିକା
ସେପଟେ ଲକଡାଉନ ଶେଷ ହେଉ ହେଉ ମାଡିଆସିଲା ମୌସୁମୀ ବର୍ଷା । ମଉଳିଗଲା ଶେଷ ଆଶା । କୁମ୍ଭାର ଘରେ ପଡିରହିଛି ମାଠିଆ । ପୂର୍ବରୁ ଗ୍ରୀଷ୍ମ ଋତୁରେ ଗୋଟିଏ ପରିବାରର ବିକ୍ରି ହୋଇଥାଏ ୫୦୦ରୁ ୬୦୦ ମାଠିଆ । ଏବର୍ଷ କଷ୍ଟେମଷ୍ଟେ ବିକିଛନ୍ତି ୨୦ଟି ମାଠିଆ । ଏହା ହେଉଛି ବରଗଡ ଜିଲ୍ଲାରେ ମାଠିଆ ଗଢୁଥିବା କୁମ୍ଭାର କାରିଗରଙ୍କ କାହାଣୀ ।
