ଭୁବନେଶ୍ବର: ପଦ୍ମପୁର ଫାଇଟ ପାଇଁ (Padmapur By Poll) ଭାରତୀୟ ଜନତା ପାର୍ଟିର ଯୋଦ୍ଧା ହେବେ ବିଜେପି ରାଜ୍ୟ କୃଷକ ମୋର୍ଚ୍ଚା ସଭାପତି ତଥା ପୂର୍ବତନ ପଦ୍ମପୁର ବିଧାୟକ ପ୍ରଦୀପ ପୁରୋହିତ (Pradeep Purohit) । ଏନେଇ କେନ୍ଦ୍ରୀୟ ବିଜେପି ପକ୍ଷରୁ କୌଣସି ବିଧିବଦ୍ଧ ଭାବେ ଘୋଷଣା ହୋଇନଥିଲେ ମଧ୍ୟ, ପ୍ରଦୀପ ପ୍ରାର୍ଥୀ ହେଉଥିବା ସୂଚନା ଦେଇଛନ୍ତି ବିଧାୟିକା କୁସୁମ ଟେଟେ । ନାମାଙ୍କନ ଦାଖଲ ଆରମ୍ଭ ହୋଇଥିବା ବେଳେ ଆସନ୍ତା ୧୪ ତାରିଖରେ ପ୍ରଦୀପ ନାମାଙ୍କନ ଦାଖଲ କରିବେ ବୋଲି ସୂଚନା ଦେଇଛନ୍ତି କୁସୁମ ।
ଏହାବି ପଢନ୍ତୁ- Padmapur By Poll: ବିଜେପିକୁ ପାର କରାଇବେ ପଶ୍ଚିମାଞ୍ଚଳ ନେତା !
ପଦ୍ମପୁର ଉପନିର୍ବାଚନ ପାଇଁ ଗତକାଲି (ଗୁରୁବାର) ବିଜ୍ଞପ୍ତି ପ୍ରକାଶ ପାଇଥିଲା । ଆସନ୍ତା 17 ତାରିଖରେ ନାମାଙ୍କନ ଦାଖଲର ଶେଷ ଦିବସ ରହିଥିବା ବେଳେ, 18 ରେ ଯାଞ୍ଚ, 21 ତାରିଖରେ ପ୍ରାର୍ଥୀପତ୍ର ପ୍ରତ୍ୟାହାର ପାଇଁ ଦିନ ଧାର୍ଯ୍ୟ ହୋଇଛି । ଡିସେମ୍ବର 5 ତାରିଖରେ ମତଦାନ ହେବାକୁ ଥିବା ବେଳେ, ଡିସେମ୍ବର 8ରେ ଭୋଟ ଗଣତି ହେବ ।
