ବରଗଡ: ବର୍ତ୍ତମାନ ସୁଦ୍ଧା ଗୋଟିଏ ବି କୋରୋନା ଆକ୍ରାନ୍ତ ଚିହ୍ନଟ ହୋଇନଥିବା ଯୋଗୁଁ ଗ୍ରୀନ ଜୋନରେ ରହିଛି ବରଗଡ । ଏଥିଯୋଗୁଁ ତୃତୀୟ ପର୍ଯ୍ୟାୟ ଲକଡାଉନ ମଧ୍ୟରେ ସହରରେ ଥିବା ଛୋଟବଡ ସମସ୍ତ ଦୋକାନ ଓ ସପିଂ ମଲ୍ ଗୁଡିକୁ ଖୋଲିବାକୁ ଅନୁମତି ଦିଆଯାଇଥିବା ବେଳେ ବନ୍ଦ ରହିଛି ଚା ଓ ଜଳଖିଆ ଠେଲା ।
କଟକଣା ମୁକ୍ତ ପରେ ସହର ଭିତରେ ସମସ୍ତ ଦୋକାନ ଗୁଡିକ ସକାଳ ୭ ଟାରୁ ୧୨ ଟା ପର୍ଯ୍ୟନ୍ତ ଖୋଲା ରହୁଛି । କିନ୍ତୁ ଛୋଟ ହୋଟେଲ, ଚା ଠେଲା ହେଉ ବା ଜଳଖିଆ ଠେଲା ଗୁଡିକ ଉପରେ କଟକଣା ଲଗାଯାଇଛି । ଏ ନେଇ ନେଇ କ୍ଷୁଦ୍ର ବ୍ୟାପାରୀଙ୍କ ମଧ୍ୟରେ ଅସନ୍ତୋଷ ଦେଖାଯାଇଛି । ତେବେ ଗରିବଙ୍କ ଉଠା ଦୋକାନ ଓ ଚା ଜଳଖିଆ ଠେଲା ଗୁଡିକୁ ଖୋଲାଯିବା ପାଇଁ ଜିଲ୍ଲାପାଳଙ୍କ ଠାରେ ଦାବି କରିଛନ୍ତି ବହୁ ଦୋକାନୀ । ଏହା ଉପରେ ଜିଲ୍ଲାପ୍ରଶାସନ ବିଚାର କରିବ ଏବଂ ପରେ ନିଷ୍ପତ୍ତି ନିଆଯିବ ବୋଲି କହିଛି ।
ବରଗଡରୁ ରାଜେଶ ସରାପ, ଇଟିଭି ଭାରତ
