ବରଗଡ: ଅକ୍ଟୋବର ୨୧ରେ ବିଜେପୁର ଉପନିର୍ବାଚନ । ଉପନିର୍ବାଚନକୁ ଆଉ ମାତ୍ର ୫ ଦିନ ବାକିରହିଛି । ବିଜେଡ଼ି ଦଳର ମୁଖିଆ ନବୀନ ପଟ୍ଟନାୟକ ଆସନ୍ତା ୧୭ ତାରିଖରେ ବିଜେପୁର ଗସ୍ତ କରିବାର କାର୍ଯ୍ୟକ୍ରମ ରହିଥିବାବେଳେ ଜିଲ୍ଲା ପୋଲିସ ପକ୍ଷରୁ ବ୍ୟାପକ ସୁରକ୍ଷା ବ୍ୟବସ୍ଥା କରାଯାଉଛି । ବରଗଡ଼ ଏସପି ପଦ୍ମିନୀ ସାହୁଙ୍କ ତତ୍ତ୍ବାବଧାନରେ ପୋଲିସ ଓ ସିଆରପିଏଫର ଫ୍ଲାଗମାର୍ଚ୍ଚ ହୋଇଥିଲା । ବିଜେପୁର ଥାନାରୁ ବାହାରି ସହର ପରିକ୍ରମା କରିଥିଲେ ପୋଲିସ ଓ ସିଆରପିଏଫ।
21ରେ ବିଜେପୁର ଉପନିର୍ବାଚନ ,ସୁରକ୍ଷାବ୍ୟବସ୍ଥା କଡାକଡି
ତେବେ ଏହି ଉପନିର୍ବାଚନକୁ ନିରପେକ୍ଷ ଏବଂ ଶୃଙ୍ଖଳିତ ଭାବେ ସମାପନ କରିବା ପାଇଁ ପୋଲିସ ପକ୍ଷରୁ ୧୧ଟି ସ୍ଥାନରେ ତନଖି କରାଯାଉଛି । ଏହାସହ ପୋଲିସ ପକ୍ଷରୁ ନିର୍ବାଚନ ପାଇଁ ବ୍ୟାପକ ପଦକ୍ଷେପ ହାତକୁ ନିଆଯାଇଛି।
ବରଗଡରୁ ରାଜେଶ ସରାପ,ଇଟିଭି ଭାରତ
