ବରଗଡ଼: ଭେଡେନ ଥାନା ଅନ୍ତର୍ଗତ କୁରୁଆଁ ହତ୍ୟାକାଣ୍ଡ ଘଟଣା । ଏହି ଘଟଣାରେ ଦୁଇଜଣଙ୍କୁ ଅଟକ ରଖି ପଚରା ଉଚରା କରୁଛି ବରଗଡ଼ ଟାଉନ ଥାନା ପୋଲିସ । ଗୁରୁବାର ଦିନ ବରଗଡ ଜିଲ୍ଲା କୁରୁଆଁ ଗ୍ରାମର ରାସ୍ତା କଡରେ ଏକ ମୃତଦେହ ପଡିଥିବା ପୋଲିସ ଖବର ଘଟଣାସ୍ଥଳରେ ପହଞ୍ଚି ତଦନ୍ତ ଜାରି ରଖିଥିଲା । ତେବେ ଛେଳିଚୋରିରୁ ଏହି ହତ୍ୟାକାଣ୍ଡ ହୋଇଥିବା ପୋଲିସ ପ୍ରାଥମିକ ତଦନ୍ତରୁ ଜାଣିବାକୁ ପାଇଛି ।
ଛେଳି ଚୋରିକୁ ନେଇ ହତ୍ୟାକାଣ୍ଡ , ଥାନାରେ ୨ ଅଟକ
ମୃତ ବ୍ୟକ୍ତି ଜଣକ ହେଉଛନ୍ତି ବରଗଡ ଟାଉନ ଅଧିନସ୍ଥ ପଠାନ ପଡାର ଇନକେଶ ଖାନ । ଉକ୍ତ ଗ୍ରାମର ଜଣେ ବ୍ୟକ୍ତିଘରୁ ପୂର୍ବରୁ ଦୁଇଥର ଛେଳିଚୋରି ହୋଇଥିବା ବେଳେ ଗୁରୁବାର ରାତିରେ ଛେଳି ଚୋରୀ କରିବାକୁ ଆସିଥିବା ସନ୍ଦେହରେ ଉକ୍ତ ବ୍ୟକ୍ତି ଜଣଙ୍କୁ ଆକ୍ରମଣ କରିଥିଲେ । ଫଳରେ ଘଟଣା ସ୍ଥଳରେ ତାଙ୍କର ମୃତ୍ୟୁ ହୋଇଥିଲା । ଏହି ଘଟଣାରେ ପୋଲିସ ଦୁଇଜଣଙ୍କୁ ଅଟକ ରଖି ଅଧିକ ତଦନ୍ତ ଜାରି ରଖିଥିବା ସୂଚନା ଦେଇଛନ୍ତି ବରଗଡ ଏସଡ଼ିପିଓ ଦୀପକ କୁମାର ଗୋଚ୍ଛାୟତ ।
ବରଗଡରୁ ରାଜେଶ ସରାପ, ଇଟିଭି ଭାରତ
