ଲୋକକବି ପଦ୍ମଶ୍ରୀ ହଳଧର ନାଗଙ୍କ ନାମରେ ଥାନାରେ ଏତଲା

ଲୋକକବି ପଦ୍ମଶ୍ରୀ ହଳଧର ନାଗଙ୍କ ନାମରେ ଏତଲା । ବରଗଡ ଜିଲ୍ଲା ମେଳଛାମୁଣ୍ଡା ଥାନାରେ ଦୁର୍ବ୍ୟବହାର ଓ ଅପମାନିତ କରାଯାଇଥିବା ଅଭିଯୋଗରେ ପଦ୍ମଶ୍ରୀ ହଳଧର ନାଗଙ୍କ ନାମରେ ଦିଆଯାଇଛି ଏତଲା । ଅଧିକ ପଢନ୍ତୁ..

ବରଗଡ: ଲୋକକବି ପଦ୍ମଶ୍ରୀ ହଳଧର ନାଗଙ୍କ ନାମରେ ଥାନାରେ ଏତଲା । ବରଗଡ ଜିଲ୍ଲା ମେଳଛାମୁଣ୍ଡା ଥାନାରେ ପଦ୍ମଶ୍ରୀ ହଳଧର ନାଗଙ୍କର ନିଜ ଗ୍ରାମ ଘେଂସ ର ଜଣେ ଓକିଲ ଦେଇଛନ୍ତି ଏତଲା । ଘେଂସ ଗ୍ରାମର ଅନ୍ୟ ବହୁ ବ୍ୟକ୍ତିଙ୍କ ସମେତ ପଦ୍ମଶ୍ରୀ ହଳଧର ନାଗଙ୍କ ନାମରେ ଦୁର୍ବ୍ୟବହାର ଓ ଅପମାନିତ କରାଯାଇଥିବା ଅଭିଯୋଗରେ ଥାନାରେ ହୋଇଛି ଏତଲା ।

ସୂଚନା ଅନୁଯାୟୀ ଘେଂସ ଗ୍ରାମର ଜଣେ ଓକିଲ କୁଞ୍ଜବିହାରୀ ସାହୁଙ୍କ ଝିଅ ଦିଲ୍ଲୀରୁ ନିଜ ଗ୍ରାମକୁ ଗତ ଜୁନ ମାସ ୧୩ ତାରିଖରେ ଫେରି ସରକାରଙ୍କ ନିୟମାବଳୀକୁ ଅନୁସରଣ କରି ଘରେ କ୍ବାରାଣ୍ଟାଇନରେ ରହିଥିଲେ । ମାତ୍ର ୯ ଦିନ ପରେ ଗତ ୨୧ ଜୁନ ସନ୍ଧ୍ୟାରେ ଘେଂସ ଗ୍ରାମବାସୀ ଏବଂ ପଦ୍ମଶ୍ରୀ ହଳଧର ନାଗ ନିଜେ କୁଞ୍ଜବିହାରୀ ସାହୁଙ୍କ ଘରକୁ ଯାଇ ତାଙ୍କ ଝିଅଙ୍କୁ କ୍ବାରାଣ୍ଟାଇନ ସେଣ୍ଟରରେ ରଖାଯାଉ ବୋଲି କହିଥିଲେ । ଗ୍ରାମକୁ ଅନ୍ୟ ରାଜ୍ୟରୁ ଆସୁଥିବା ସମସ୍ତ ପ୍ରବାସୀଙ୍କୁ କ୍ବାରାଣ୍ଟାଇନ ସେଣ୍ଟର ଠାରେ ରଖାଯାଉଛି ଅନ୍ତତଃ ତାଙ୍କ ଝିଅ ଦିଲ୍ଲୀ ପରି ରେଡ଼ ଜୋନ ଅଞ୍ଚଳରୁ ଆସି କାହିଁକି ଘରେ ରହିବେ ବୋଲି ଯୁକ୍ତି ତର୍କ ହୋଇଥିଲା ।

ତେବେ ଗତ ୨୨ ତାରିଖରେ କୁଞ୍ଜବିହାରୀ ସାହୁ ଗ୍ରାମବାସୀଙ୍କ ସମେତ ହଳଧର ନାଗଙ୍କ ବିରୋଧରେ ମେଳଛାମୁଣ୍ଡା ଥାନାରେ ଏତଲା ଦେଇଥିଲେ । ତେବେ ପଦ୍ମଶ୍ରୀ ହଳଧର ନାଗ ସମେତ ଗ୍ରାମବାସୀଙ୍କ ନାମରେ ମେଳଛାମୁଣ୍ଡା ଥାନାରେ ସିଆରପିସି ୧୫୪ ଧାରା ଅନୁଯାୟୀ ୧୪୩ , ୨୯୪ , ୫୦୯ , ୫୦୬ ଆଦି ଦଫା ଲଗାଯାଇଛି ।

ବରଗଡ଼ରୁ ରାଜେଶ ସରାପ, ଇଟିଭି ଭାରତ