ବରଗଡ଼: ଭାରତ ଗ୍ୟାସ ଗୋଦାମରେ ଅଘଟଣ । ବରଗଡ଼ ଜିଲ୍ଲା ଅତାବିରା ଥାନା ଅନ୍ତର୍ଗତ ଗୋଡ଼ଭଗାଠାରେ ଥିବା ଭାରତ ଗ୍ୟାସ ଗୋଦାମରେ ବିଳମ୍ବିତ ରାତ୍ରିରେ ଅଗ୍ନିକାଣ୍ଡ ଘଟିଥିଲା । ଗଚ୍ଛିତ ଥିବା ଅନ୍ୟ ଗ୍ୟାସ ସିଲିଣ୍ଡରରେ ନିଆଁ ଲାଗି ବ୍ଲାଷ୍ଟିଙ୍ଗ ହୋଇଥିଲା । ଅଗ୍ନିକାଣ୍ଡରେ ଜଣେ ବ୍ୟକ୍ତି ଗୁରୁତର ଆହତ ହୋଇଥିବା ଜଣାପଡ଼ିଛି ।
ଏହା ମଧ୍ୟ ପଢ଼ନ୍ତୁ: ଗଣ୍ଡଗୋଳରୁ ଗଡିଲା ମୁଣ୍ଡ, ଲୁହାଛଡ଼ ଆକ୍ରମଣରେ ବୃଦ୍ଧ ମୃତ
ସିଲିଣ୍ଡର ବ୍ଲାଷ୍ଟିଙ୍ଗ ହେବାରୁ ପାଖରେ ଥିବା 2ଟି ଦୋକାନ ଭାଙ୍ଗିଯାଇଥିଲା । ଗୋଦାମରେ କାର୍ଯ୍ୟ କରୁଥିବା ଜଣେ କର୍ମଚାରୀ ଗୁରତର ଆହତ ହୋଇଛନ୍ତି । ଆହତ ବ୍ୟକ୍ତି ଜଣକ ପାହାଡ ଶ୍ରୀଗୀଡା ଗ୍ରାମର ଇଶ୍ୱର କନ୍ଧ । ତାଙ୍କୁ ଗୁରୁତର ଅବସ୍ଥାରେ ଉଦ୍ଧାର କରି ଚିକିତ୍ସା ପାଇଁ ବୁର୍ଲା ମେଡିକାଲକୁ ପଠାଯାଇଛି । ତେବେ କେଉଁ କାରଣରୁ ଏବଂ କିପରି ଅଗ୍ନିକାଣ୍ଡ ଘଟିଲା ତାହା ଏଯାଏଁ ଅସ୍ପଷ୍ଟ ରହିଛି । ଖବର ପାଇ ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଜାରି ରଖିଛି । ଅଗ୍ନିକାଣ୍ଡରେ ଗୋଦାମର ବହୁ ସାମଗ୍ରୀ ପୋଡ଼ି ନଷ୍ଟ ହୋଇଯାଇଛି ।
ଇଟିଭି ଭାରତ, ବରଗଡ଼
