ବରଗଡ: ଜିଲ୍ଲା ଅମ୍ବାଭୋନା ଥାନା ଅନ୍ତର୍ଗତ ଗଙ୍ଗେଇ ଗ୍ରାମରେ ଏକ ହାତୀର ମୃତ୍ୟୁ ଘଟିଛି । ଜଙ୍ଗଲରେ ଥିବା ଧାନ କ୍ଷେତ ଭିତରେ ହାତୀଟିର ମୃତଦେହ ପଡି ରହିଛି । ମଙ୍ଗଳବାର ସକାଳେ ବିଲକୁ ଚାଷ କାମ କରିବାକୁ ଲୋକେ ଯାଇଥିବାବେଳେ ହାତୀଟି ମରି ପଡିଥିବା ଦେଖିଥିଲେ |
ବରଗଡ ବନଖଣ୍ଡ ଅଧିକାରୀ ଘଟଣାସ୍ଥଳରେ ପହଞ୍ଚି ଏହି ଘଟଣାର ଅଧିକ ତଦନ୍ତ କରୁଥିବାବେଳେ ଅମ୍ବାଭୋନା ପୋଲିସ ମଧ୍ୟ ଗଙ୍ଗେଇ ଗ୍ରାମରେ ପହଞ୍ଚିଛନ୍ତି । ତେବେ ହାତୀଟି ଇଲେକ୍ଟ୍ରିକ କରେଣ୍ଟରେ ଲାଗି ମୃତ୍ୟୁବରଣ କରିଥିବା ଅନୁମାନ କରାଯାଉଛି | ଏହି ଅଞ୍ଚଳରେ ଧାନ କ୍ଷେତ ଗୁଡିକୁ ହାତୀମାନେ ନଷ୍ଟ କରି ଦେଉଥିବାରୁ ଚାଷୀମାନେ ହାତୀ ଦାଉରୁ ଫସଲକୁ ରକ୍ଷା କରିବା ପାଇଁ ବିଲରେ ଇଲେକ୍ଟ୍ରିକ ତାର ବିଛାଇଥିବା ଅନୁମାନ କରାଯାଉଛି । ତେବେ ଘଟଣାର ଅଧିକ ତଦନ୍ତ ପରେ ଜଣାପଡିବ ।
ବରଗଡରୁ ରାଜେଶ ସରାପ, ଇଟିଭି ଭାରତ
