ବରଗଡ: ଜିଲ୍ଲା ମୁଖ୍ୟ ଯୋଗାଣ ଅଧିକାରୀଙ୍କୁ ଘେରିଲା ଜିଲ୍ଲା ବିଜେପି । ଚଳିତ ରବି ଋତୁ ଧାନ କିଣାବିକା ଶେଷ ହୋଇଯାଇଥିବା ବେଳେ ବର୍ତ୍ତମାନ ସୁଦ୍ଧା ଜିଲ୍ଲାର ପଞ୍ଜୀକୃତ ଚାଷୀଙ୍କ ହଜାର ହଜାର ବସ୍ତା ଧାନ ବିଭିନ୍ନ ମାର୍କେଟ ୟାର୍ଡରେ ପଡିରହିଛି । ଧାନ ବିକ୍ରି କରିନପାରି ବରଗଡ଼ ଜିଲ୍ଲାର ଚାଷୀ ହତାଶ ହୋଇପଡିଛି ।
ଚାଷୀଙ୍କ ଧାନ କ୍ରୟ କରାଯିବା ଦାବିରେ ଯୋଗାଣ ଅଫିସ ଘେରିଲା ବିଜେପି
ଟୋକନ ସମସ୍ୟା ପାଇଁ ଚାଷୀ ଧାନ ବିକ୍ରି କରିନପାରି ମଣ୍ଡିରେ ପଡ଼ିରହିଛି ହଜାର ହଜାର ବସ୍ତା ଧାନ । ତେବେ ଜିଲ୍ଲାର ସମସ୍ତ ଚାଷୀଙ୍କ ଧାନ କ୍ରୟକରାଯାଉ ବୋଲି ଦାବି କରିଛି ବିଜେପି । ଯଦି ଦାବି ପୂରଣ ନ ହେଲେ ଆଗାମୀ ଦିନରେ ଆନ୍ଦୋଳନ ଉଗ୍ର ରୂପ ଧାରଣ କରିବ ବୋଲି ଦଳ ପକ୍ଷରୁ ଚେତାବନୀ ଦିଆଯାଇଛି । ଅନ୍ୟପଟେ ଏ ବିଷୟରେ ରାଜ୍ୟ ସରକାରଙ୍କୁ ଅବଗତ କରାଇବୁ ବୋଲି କହିଛନ୍ତି ଜିଲ୍ଲା ମୁଖ୍ୟ ଯୋଗାଣ ଅଧିକାରୀ ରଜନୀକାନ୍ତ ଦାଶ ।
ବରଗଡରୁ ରାଜେସ ସରାପ, ଇଟିଭି ଭାରତ
