ବରଗଡ଼: ଜିଲ୍ଲା ମୁଖ୍ୟାଳୟରେ ତୃତୀୟ ଦିନରେ ପହଞ୍ଚିଲା ଚାଷୀଙ୍କ ଆନ୍ଦୋଳନ । ବରଗଡ ଜିଲ୍ଲାପାଳ ଅଫିସ ଏବଂ ଜିଲ୍ଲା ଯୋଗାଣ ଅଫିସ ସମ୍ମୁଖରେ ଧାନ ବସ୍ତା ରଖି ଦୀର୍ଘ ତିନି ଧରି ଅହୋରାତ୍ର ଧାରଣାରେ ବସିଛନ୍ତି ବରଗଡ ରେଶମ ମାର୍କେଟ ୟାର୍ଡର ଚାଷୀ । ମାତ୍ର ଜିଲ୍ଲା ପ୍ରଶାସନ ଆଦୌ ଆନ୍ଦୋଳନକାରୀଙ୍କ ପାଖ ମାଡୁ ନାହିଁ । ଫଳରେ ଜିଲ୍ଲା ପ୍ରଶାସନର ଏଭଳି ଆଚରଣରେ ଉତକ୍ଷିପ୍ତ ହୋଇ ଚାଷୀମାନେ ନିଜ ଉଗ୍ର ରୂପ ଦେଖେଇବେ ବୋଲି ବୁଧବାର ଚେତାବନୀ ଦେଇଛନ୍ତି ।
ତିନି ଦିନ ଧରି ଧାରଣାରେ ବସିଛି ଚାଷୀ, ପାଖ ମାଡୁନି ଜିଲ୍ଲା ପ୍ରଶାସନ
ଆଜି ଜିଲ୍ଲା ପ୍ରଶାସନକୁ ଶେଷ ସମୟ ସୀମା ଦିଆଯାଇଥିବା ବେଳେ ଦାବି ପୂରଣ ନ ହେଲେ ବରଗଡ଼ ସହରର ସମସ୍ତ କାର୍ଯ୍ୟାଳୟକୁ ତାଲା ପକାଇ ଆନ୍ଦୋଳନକୁ ବ୍ୟାପକ କରିବାକୁ ଚାଷୀମାନେ ଅଣ୍ଟା ଭିଡିଛନ୍ତି ।
ବରଗଡରୁ ରାଜେଶ ସରାପ୍, ଇଟିଭି ଭାରତ
