ବରଗଡ: ଚଳିତ ବର୍ଷ ଶେଷ ଦିନରୁ ଆରମ୍ଭ ହେବ ବିଶ୍ବପ୍ରସିଦ୍ଧ ଧନୁଯାତ୍ରା । ଏଥିଲାଗି କଂସ ପାଇଁ ତୃତୀୟଥର ଚୟନ ହେଇଥିବା ଭୁବନେଶ୍ବର ପ୍ରଧାନ ବରଗଡର ଦେବୀପୀଠକୁ ଯାଇ ଦର୍ଶନ ସହ ପୂଜାର୍ଚ୍ଚନା କରିଛନ୍ତି ।
ବୁଧବାର ଧନୁଯାତ୍ରା ମହୋତ୍ସବ ସମିତିର କୋର କମିଟି ବୈଠକରେ ଆଲୋଚନା କରାଯାଇ ନୂତନ କଳାକାର ଚୟନ ନିଷ୍ପତ୍ତିକୁ ସ୍ଥଗିତ କରି ଭୁବନଶ୍ବରଙ୍କୁ ହିଁ କଂସ ପାଇଁ ମନୋନୀତ କରାଯାଇଛି । ଏଥିସହ ଚଳିତ ଧନୁଯାତ୍ରା ପାଇଁ ଆସନ୍ତା ମାସ ପହିଲାରେ ଶୁଭସ୍ତମ୍ଭ ସ୍ଥାପନ ନେଇ ଘୋଷଣା ହୋଇଛି |
ତେବେ ଚଳିତ ୭୧ ତମ ବିଶ୍ବପ୍ରସିଦ୍ଧ ଧନୁଯାତ୍ରା ପାଇଁ ଆଉ ଅଳ୍ପ ଦିନ ସମୟ ରହିଥିଛି । ଏଥିପାଇଁ କଂସ ଭୂମିକାରେ ଅଭିନୟର ସୁଯୋଗ ପାଇଥିବା କଳାକାର ଭୁବନେଶ୍ବର ପ୍ରଧାନ ପ୍ରଥମେ ବରଗଡ଼ ତଳିପଡ଼ା ସ୍ଥିତ ଅଧିଷ୍ଠାତ୍ରୀ ଦେବୀ ମାଁ ସମଲେଶ୍ଵରୀଙ୍କ ଦର୍ଶନ କରି ଆଶୀର୍ବାଦ ଭିକ୍ଷା କରିଛନ୍ତି । ଏହାପରେ ହାଟପଦା ସ୍ଥିତ ଦୂର୍ଗାଙ୍କ ମନ୍ଦିର ଓ ମାଁ ଶ୍ୟାମାକାଳୀଙ୍କ ପୀଠକୁ ଯାଇ ମାଁ ଙ୍କର ଦର୍ଶନ କରିଥିଲେ ।ଏହି ଅବସରରେ ତାଙ୍କ ସହିତ ପଶ୍ଚିମ ଓଡ଼ିଶା ଧନୁଯାତ୍ରା କଳାକାର ସଂଘର ସଭାପତି ଦୟାନିଧି ପ୍ରଧାନ ଏବଂ ବରିଷ୍ଠ କଳାକାର ଲଳିତ ପଣ୍ଡା ମଧ୍ୟ ଉପସ୍ଥିତ ଥିଲେ । ଚଳିତ ଧନୁଯାତ୍ରା ମହୋତ୍ସବରେ ଭୁବନେଶ୍ବର ଆହୁରି ଉଚ୍ଚ କୋଟିର ଅଭିନୟ କରି ୭୧ ତମ ଧନୁଯାତ୍ରାକୁ ଏକ ଐହାସିକ ରୂପରେଖା ଦେଇ ଆହୁରି ଆକର୍ଷଣୀୟ କରିବେ ବୋଲି କହିଛନ୍ତି |
ବରଗଡରୁ ରାଜେଶ ସରାଫ, ଇଟିଭି ଭାରତ
