ବରଗଡ଼: ଲକଡାଉନ ସମୟରେ ବରଗଡ଼ ଜିଲ୍ଲାରେ ମଦ ଉପରେ ରୋକ ଲଗାଇଯାଇଥିବା ବେଳେ ଜିଲ୍ଲାରେ ମଦର ବନ୍ୟା ଛୁଟୁଛି । କେଉଁଠି ବେଆଇନ ଦେଶୀ ମଦ ବ୍ୟାପାର ଚାଲିଛି ତ ଆଉ କେଉଁଠାରେ ଚାଲିଛି ବେଦେଶୀ ମଦର ଆସର । ସମସ୍ତ ଢାବା ମାନଙ୍କରେ ବିଦେଶୀ ମଦର କଳାବଜାର ବଢିଚାଲିଛି । ତେବେ ପୋଲିସ ଓ ଅବକାରୀ ବିଭାଗ ପକ୍ଷରୁ ଲଗାତାର ଚାଲିଛି ମଦ ମାଫିଆଙ୍କ ଉପରେ ଚଢାଉ ।
ଆଜି ପଦ୍ମପୁର ଉପଖଣ୍ଡ ମେଳଛାମୁଣ୍ଡା ଥାନା ଅନ୍ତର୍ଗତ ପେଟୁପାଲି ଅଞ୍ଚଳରେ ଦେଶୀମଦ ରନ୍ଧା ହେଉଥିବାର ଖବରପାଇ ପଦ୍ମପୁର ଅତିରିକ୍ତ ତହସିଲଦାର ସରିତା ଗୁପ୍ତା ଓ ମେଲଛାମୁଣ୍ଡା ଆଇ .ଆଇ .ସି ସ୍ବପ୍ନାରାଣୀ ଗୋଛାୟତଙ୍କ ନେତୃତ୍ବରେ ଆଜି ସକାଳ ୧୦ ଟାରେ ଜଣେ ମଦ ମାଫିଆଙ୍କ ଘରେ ଅଯାନକ ଚଢାଉ କରିଥିଲେ । ଧନମତି ରାଉତିଆଙ୍କଘରେ ଚଢ଼ଉକରି ତାଙ୍କ ଘରୁ ୧୦୦ ଲିଟର ଦେଶୀ ରନ୍ଧାମଦ ଜବତ କରାଯାଇଛି । ଗାଁରେ ବ୍ୟାପକ ମଦ କାରବାର ଚାଲୁଥିବା ଅଭିଯୋଗ ହେବାପରେ ପୋଲିସ ଓ ଅତିରିକ୍ତ ତହସିଲଦାରଙ୍କ ଏହି ମିଳିତ ଚଢାଉ ହୋଇଥିଲା । ଲୋକଙ୍କ ହାତରେ ଖାଇବା ପାଇଁ ପଇସା ନଥିବା ବେଳେ ମଦ କାରବାର ଯୋଗୁଁ ଅପରାଧିକ ମମଲାକୁ ବଢାଇବାର ସମ୍ଭାବନା ରହିଛି ।
ବରଗଡ଼ରୁ ରାଜେଶ ସରାପ, ଇଟିଭି ଭାରତ
