ବରଗଡ଼: ଜିଲ୍ଲାରେ ପୁଣି ଜଣକ ମୁଣ୍ଡ ନେଲା କୋରୋନା । ବରଗଡ଼ ଜିଲ୍ଲାରେ କୋରୋନା ଆକ୍ରାନ୍ତଙ୍କ ସଂଖ୍ୟା କମିବାର ନାଁ ନେଉ ନଥିବାବେଳେ ଆଜି(ଶୁକ୍ରବାର) ଜିଲ୍ଲାରେ ପୁଣି ୮୬ ଜଣ ନୂଆ ଆକ୍ରାନ୍ତ ଚିହ୍ନଟ ହୋଇଛନ୍ତି । ସେଥିରୁ ଶୁକ୍ରବାର ଜଣେ 53 ବର୍ଷ ବ୍ୟକ୍ତିଙ୍କ କୋରୋନାରେ ମୃତ୍ୟୁ ହୋଇଥିବା ସୂଚନା ମିଳିଛି । ତେବେ ମୃତବ୍ୟକ୍ତି ଜଣକ ବରଗଡ 8 ନମ୍ବର ୱାର୍ଡ ବାନ୍ଦୁଟିକିରା ପଡ଼ାର ହୋଇଥିବା ଜଣାପଡିଛି |
ବରଗଡ଼ ପୌରାଞ୍ଚଳରେ କେବଳ ୩ ଜଣ ସଂକ୍ରମିତ ଚିହ୍ନଟ ହୋଇଥିବା ବେଳେ 83 ଜଣ ଜିଲ୍ଲାର ଅନ୍ୟାନ୍ୟ ବ୍ଲକ ମାନଙ୍କରେ ଚିହ୍ନଟ ହୋଇଛନ୍ତି । ଆଜିର ସଙ୍କ୍ରମିତଙ୍କୁ ମିଶାଇ ଜିଲ୍ଲାରେ ସମୁଦାୟ 7,258 କୁ ପହଞ୍ଚିଲା ସଂକ୍ରମଣ |
ବରଗଡ ଜିଲ୍ଲାରେ ବର୍ତ୍ତମାନ ସୁଦ୍ଧା ଆକ୍ରାନ୍ତଙ୍କ ସଂଖ୍ୟା ୭,୨୫୮ରେ ପହଞ୍ଚିଥିବା ବେଳେ ଆଜିର ମୃତକଙ୍କୁ ମିଶାଇ ଜିଲ୍ଲାରେ ୧4 ଜଣଙ୍କର ମୃତ୍ୟୁ ହୋଇଥିବା ଜିଲ୍ଲା ସୂଚନା ଓ ଲୋକସମ୍ପର୍କ ଅଧିକାରୀ କଲ୍ୟାଣୀ ଦାଶ ସୂଚନା ଦେଇଛନ୍ତି।
ବରଗଡରୁ ରାଜେସ ସରାପ, ଇଟିଭି ଭାରତ
