ବାଲେଶ୍ଵର : ବାଲେଶ୍ବରର ବିଭିନ୍ନ ସ୍ଥାନରେ ଜଳେଶ୍ଵର ଅବକାରୀ ବିଭାଗ ପକ୍ଷରୁ ଚଢାଉ । ବିପୁଳ ପରିମାଣର ଦେଶୀ ଓ ବିଦେଶୀ ମଦ ଜବତ । ଘଟଣାରେ ୪ ଜଣ ଗିରଫ ହୋଇଥିବା ସୂଚନା ମିଳିଛି ।
ଭିଡିଓ ସୌଜନ୍ୟ : ସମ୍ବାଦଦାତା,ବାଲେଶ୍ବର
ଜିଲ୍ଲା ଅବକାରୀ ଅଧିକ୍ଷକ ରାଜେନ୍ଦ୍ର ଭଦ୍ରାଙ୍କ ନିର୍ଦ୍ଦେଶ କ୍ରମେ ହୋଇଥିଲା ଚଢାଉ । ଆଇଆଇସି ଉଦେଲାଲ ନାୟକ ,ଓଆଇସି ହରପ୍ରସାଦ ରଣାଙ୍କ ସମେତ ଅନ୍ୟ କର୍ମଚାରୀମାନେ ଜଳେଶ୍ଵରର ଲକ୍ଷ୍ମଣନାଥ ଓ ରାଇବଣିଆ ଅଞ୍ଚଳର ବିଭିନ୍ମ ସ୍ଥାନ ଚଢାଉ କରିଥିଲେ।
ପ୍ରାୟ ୧୦୦ ଲିଟର ଦେଶୀ ମଦ ସହ ୭.୫୦୦ ବିଦେଶୀ ମଦ ଜବତ କରାଯାଇଥିଲା। ଏହାସହ ଜଣେ ମହିଳା ଓ ତିନି ଜଣ ପୁରୁଷ ବ୍ୟବସାୟୀଙ୍କୁ ଗିରଫ କରାଯାଇଛି।
ବାଲେଶ୍ବରରୁ ଜୀବନ ଜ୍ୟୋତି ନାୟକ,ଇଟିଭି ଭାରତ
