ବାଲେଶ୍ବର: ପ୍ରଥମେ ପ୍ରେମ ଆରମ୍ଭ ହେଲା ସୋସିଆଲ ମିଡିଆ ଫେସବୁକରେ । ଫେସବୁକରେ ସମ୍ପର୍କ ବଢିବା ପରେ ଫୋନ ନମ୍ବର ଓ ଦେଖା ସାକ୍ଷାତ । ହେଲେ ଦେଖା କରିବାକୁ ଆସି ସିଧା ବିବାହ ବେଦୀରେ ବସିଛନ୍ତି ପ୍ରେମିକ ଓ ପ୍ରେମିକା ।
ଭିଡିଓ ସୌଜନ୍ୟ- ସମ୍ବାଦଦାତା, ବାଲେଶ୍ବର
ଏମିତି ଘଟଣା ଘଟିଛି ସୋର ଥାନା ଅଧିନ ମଣିପୁର ପଞ୍ଚାୟତ ଗଲୁଣିଆ ଗ୍ରାମରେ । ସେହି ଗାଁର ଝିଅକୁ ବାବୁପାଟଣା ଗାଁର ଜଣେ ପୁଅ ଫେସବୁକ ଜରିଆରେ ପ୍ରେମ କରି ବସିଥିଲା । ଉଭୟଙ୍କ ଭିତରେ ସମ୍ପର୍କ ନିବିଡ଼ ହେବାରୁ ପ୍ରେମିକ ଦେଖା କରିବା ପାଇଁ ପ୍ରେମିକାର ଘରକୁ ଆସିଥିଲା । ଘରେ କେହି ନଥିବାରୁ ଦୁଇଜଣ ଘର ଭିତରେ କବାଟ ବନ୍ଦ କରି ରହିଥିଲେ । ଏତିକି ବେଳେ ଗ୍ରାମବାସୀ ସେମାନଙ୍କୁ ଅଟକ ରଖିବା ସହ ଉଭୟଙ୍କ ବାହାଘର କରାଇ ଦେଇଥିଲେ।
ଉଭୟ ସାବାଳକ ହୋଇଥିବାରୁ ସେମାନଙ୍କର କୋର୍ଟମ୍ୟାରେଜ କରାଯାଇଥିବା ଜଣାପଡିଛି।
ବାଲେଶ୍ବରରୁ ଜୀବନଜ୍ୟୋତି ନାୟକ, ଇଟିଭି ଭାରତ
