ବାଲେଶ୍ବର: ରୁପ୍ସା ରେଳ ଷ୍ଟେସନ ନିକଟରେ ଅଘଟଣ । ରେଳ ଲାଇନ କାମ କରୁଥିବାବେଳେ ବିଦ୍ୟୁତ ସଂସ୍ପର୍ଶରେ ଆସି ଦୁଇଜଣ ଶ୍ରମିକ ଗୁରୁତର ହୋଇଛନ୍ତି । ତେବେ ରୁପ୍ସାରୁ ବାଙ୍ଗିରିପୋଷି ଆଡକୁ ଯାଇଥିବା ରେଳ ଲାଇନ ପଟେ ଠିକାଦାର 6ଜଣ ଶ୍ରମିକଙ୍କୁ ନେଇ ଖୁଣ୍ଟ ପୋତା କାମ କରୁଥିବାବେଳେ ଖୁଣ୍ଟଟି ଉପରେ ଯାଇଥିବା ବିଦ୍ୟୁତ ତାର ସଂସ୍ପର୍ଶରେ ଆସିଥିଲେ ଦୁଇ ଶ୍ରମିକ ।
ରେଳ ଲାଇନ କାମ ବେଳେ ବିଦ୍ୟୁତ ସଂସ୍ପର୍ଶରେ ଆସି ଦୁଇ ଶ୍ରମିକ ଗୁରୁତର
ଫଳରେ ତାଙ୍କୁ ଗୁରୁତର ଅବସ୍ଥାରେ ରୁପ୍ସା ମେଡିକାଲ ନିଆଯାଇଥିଲା । ସେଠାରେ ସେମାନଙ୍କ ଅବସ୍ଥା ସଙ୍କଟାପନ୍ନ ହେବାରୁ ତାଙ୍କୁ ବାଲେଶ୍ଵର ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି । ଗୁରୁତର ଆହତ ହୋଇଥିବା ଦୁଇଜଣ ଶ୍ରମିକ ପବନ କୁମାର ଓ ଲାଲଟୁ କୁମାର ବୋଲି ଜଣାପଡିଛି ।
ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
