ବାଲେଶ୍ବର: ବିଦ୍ୟୁତ ଆଘାତରେ 2 ମୃତ । ବାଲେଶ୍ବର ଜିଲ୍ଲା ବାଲିଆପାଳ ଅଞ୍ଚଳରୁ ଆସିଛି ଏମିତି ଦୁଖଦ ଖବର । ସ୍ଥାନୀୟ ଡଗରା ପଞ୍ଚାୟତର କୁଲାଚଢ ଗ୍ରାମର ମହେଶ୍ବରୀ କୁଲ୍ଲାରୀ ବିଦ୍ୟୁତ ଆଘାତର ଶୀକାର ହୋଇଥିଲେ । ସେ ପାଣି ପାଇଁ ଘରେ ଥିବା ମଟର ସୁଇଚ ବନ୍ଦ କରିବାକୁ ଯାଇ, ବିଦ୍ୟୁତ ସଂଶ୍ପର୍ଷରେ ଆସିଯାଇଥିଲେ ।
ସେହିପରି ବେତଗଡିଆ ପଞ୍ଚାୟତର ନାରାୟଣପୁର ଗାଁ ରେ ମଧ୍ୟ ଘଟିଛି ସମାନ ଅଘଟଣ । ଗ୍ରାମର ରବିନ୍ଦ୍ର ଗିରି ନାମକ ବ୍ୟକ୍ତି ବିଲକୁ ଯାଇଥିଲେ । 11kv ବିଦ୍ୟୁତ ତାର ଝୁଲନ୍ତା ଅବସ୍ଥାରେ ରହିଥିଲା । ସେ ଜାଣିନପାରି ବିଦ୍ୟୁତ ଆଘାତର ଶୀକାର ହୋଇଥିଲେ ।
ଭିଡିଓ ସୌଜନ୍ୟ-ସମ୍ବାଦଦାତା, ବାଲେଶ୍ବର
ଉଭୟଙ୍କୁ ବାଲିଆପାଳ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରକୁ ନିଆଯାଇଥିଲା । କିନ୍ତୁ ଡାକ୍ତର ଉଭୟଙ୍କୁ ସେଠାରେ ମୃତ ଘୋଷଣା କରିଥିଲେ । ବାଲିଆପାଳ ପୋଲିସ ଘଟଣା ସ୍ଥଳରେ ପହଞ୍ଚି ମୃତଦେହ ଉଦ୍ଧାର କରିଛି ଏବଂ ଏ ଘଟଣାର ତଦନ୍ତ ଜାରିରଖିଛି ।
ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
