ବାଲେଶ୍ବର: ଗହଣା ଲୁଟ୍ କରି ଚମ୍ପଟ ମାରୁଥିବାବେଳେ ସ୍ଥାନୀୟ ଲୋକଙ୍କ ହାତରେ ଧରାପଡିଲେ ଦୁଇ ଲୁଟେରା । ଗତ ରବିବାର ରାତି 10ଟାରେ ବାଲିଆପାଳ ଥାନା କାଳିପଦା ବଜାରରେ ଗହଣା ଦୋକାନୀକୁ ଲୁଟ କରୁଥିବାବେଳେ ସ୍ଥାନୀୟ ଲୋକେ ଦୁଇ ଲୁଟେରାଙ୍କୁ ଧରିଛନ୍ତି ୲
ଭିଡିଓ ସୌଜନ୍ୟ:ସମ୍ବାଦଦାତା, ବାଲେଶ୍ବର
ସୂଚନା ଅନୁଯାୟୀ, ଗତ ରବିବାର ରାତିରେ ପ୍ରଫୁଲ୍ଲ କାମିଳା କାଳିପଦା ବଜାରରେ ଥିବା ଗହଣା ଦୋକାନ ବନ୍ଦ କରି ଦୋକାନରେ ଚାବି ପକାଉଥିବାବେଳେ ପାଖରେ ରଖିଥିବା ଗହଣା ଭର୍ତ୍ତି ଆଟାଜକୁ ଦୁଇ ଜଣ ଲୁଟେରା ଝାମ୍ପି ନେଇଥିଲେ ।
ଏହାଦେଖି ବଜାରରେ ଥିବା ଅନ୍ୟ ଦୋକାନୀ ଓ ଲୋକେ ଲୁଟେରାଙ୍କୁ କାବୁ କରିଥିଲେ । ଲୁଟେରାଙ୍କୁ ଧରିବା ପରେ ସ୍ଥାନୀୟ ଲୋକେ ସେମାନଙ୍କୁ ମାଡ ମାରିବା ସହ ଦଉଡିରେ ବାନ୍ଧି ପୋଲିସକୁ ହସ୍ତାନ୍ତର କରିଥିଲେ । ଏଥିସହ ଲୁଟେରାଙ୍କ ଠାରୁ ଗହଣା ଭର୍ତ୍ତି ଆଟାଜକୁ ଆଣିଥିଲେ ।
ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
