ବାଲେଶ୍ଵର: ୨୫ ଚୋରା ବାଇକ ଜବତ କଲା ପୋଲିସ ,ଦୁଇ ଗିରଫ । ବାଲେଶ୍ବର ଜିଲ୍ଲା ସୋର ପୋଲିସ ବିଭିନ୍ନ ଅଞ୍ଚଳରେ ଚଢାଉ କରି ୨୧ଟି ବାଇକ ଓ ୪ଟି ସ୍କୁଟି ଜବତ କରିବା ସହିତ ୨ ଜଣ ଅଭିଯୁକ୍ତକୁ ଗିରଫ କରିଛି ।
୨୫ ଚୋରା ବାଇକ ଜବତ କଲା ସୋର ପୋଲିସ, ଦୁଇ ଗିରଫ
ସୂଚନାଥାଉକି ବାଲେଶ୍ବର ଜିଲ୍ଲା ସୋର ଥାନା କଷିପୋଲ ନିକଟରେ ପୋଲିସ ମାସ୍କ ଚେକିଂ କରୁଥିବା ବେଳେ ପୋଲିସକୁ ଦେଖି ଜଣେ ଯୁବକ ବାଇକ ନେଇ ଫେରାର ହୋଇ ଯାଉଥିଲା । ତାକୁ ପୋଲିସ ଅଟକାଇ କାଗଜପତ୍ର ଯାଞ୍ଚ କରିବାରୁ ତାହା ଚୋରା ଗାଡି ବୋଲି ଜଣାପଡିଥିଲା । ଏହା ପରେ ସୋର ଆଇଆଇସି ମଧୁମିତା ମହାନ୍ତିଙ୍କ ନିର୍ଦ୍ଦେଶରେ ଏକ ଟିମ ଗଠନ କରାଯାଇଥିଲା । ଉକ୍ତ ଟିମ ଅଟକ ଥିବା ଯୁବକ ପାଖରୁ ଗାଡି ଚୋରି ସମର୍କରେ ସମସ୍ତ ତଥ୍ୟ ସଂଗ୍ରହ କରି ବାଲେଶ୍ଵର ଜିଲ୍ଲା ରେମୁଣା, ମୟୁରଭଞ୍ଜ ଓ ଭଦ୍ରକ ଜିଲ୍ଲାର ବିଭିନ୍ନ ସ୍ଥାନରେ ଚଢ଼ାଉ କରିଥିଲା । ଭଦ୍ରକ ଅଞ୍ଚଳର ସେକ ବବଲୁ ବିଭିନ୍ନ ଅଞ୍ଚଳରୁ ଗାଡି ଚୋରି କରି ସୋର କାଜି ମହଲା ଅଞ୍ଚଳର ସେକ ବାବୁକୁ ବିକ୍ରି କରୁଥିଲା ।
ବାଲେଶ୍ବରରୁ ଜୀବନ ଜ୍ୟୋତି ନାୟକ,ଇଟିଭି ଭାରତ
