ବାଲେଶ୍ବର: ବାଲିଆପାଳ ଗୋମଟି ଛକ ନିକଟରେ ଅଘଟଣ । ଏକ ପିକନିକ୍ ବସ୍ 11 କେଭି ବିଦ୍ୟୁତ ତାର ସଂସ୍ପର୍ଶରେ ଆସିବା ଯୋଗୁଁ ଜଣେ ଯାତ୍ରୀ ଗୁରୁତର ହୋଇଛନ୍ତି । ସେହିପରି ଅନ୍ୟ ଯାତ୍ରୀ ଅଳ୍ପକେ ବର୍ତ୍ତି ଯାଇଥିବା ସୂଚନା ରହିଛି ।
ବସରେ ଲାଗିଲା 11 କେଭି ବିଦ୍ୟୁତ ତାର, ଅଳ୍ପକେ ବର୍ତ୍ତିଲେ ଯାତ୍ରୀ
ବାଲେଶ୍ଵରର ଡଗରା ବେଳାଭୂମିକୁ ପିକ୍ନିକ୍ କରିବା ପାଇଁ ବାରିପଦା ଅଞ୍ଚଳରୁ 70 ଜଣ ପର୍ଯ୍ୟଟକ ଏକ ବସ ଯୋଗେ ଆସୁଥିଲେ । ବାଲିଆପାଳ ଗୋମଟି ଛକ ନିକଟରେ ବସଟି ୧୧ କେଭି ବିଦ୍ୟୁତ ତାର ସଂସ୍ପର୍ଶରେ ଆସିଯାଇଥିଲା । ଫଳରେ ଜଣେ ପର୍ଯ୍ୟଟକ ଗୁରୁତର ହୋଇଥିଲେ । ଡ୍ରାଇଭରଙ୍କ ଉପସ୍ଥିତ ବୁଦ୍ଧି ଯୋଗୁଁ ଅନ୍ୟ ପର୍ଯ୍ୟଟକମାନେ ଅଳ୍ପକେ ବର୍ତ୍ତି ଯାଇଥିଲେ । ସେହିପରି ବସ୍ଟି ପଛକୁ ଆସୁଥିବା ବେଳେ ଏକ ବାଇକ ଉପରେ ଚଢି ଯାଇଥିଲା । ଏଥିରେ ବାଇକ ଚାଳକ ଆହତ ହୋଇଥିବା ସୂଚନା ରହିଛି ।
ବାଲେଶ୍ବରରୁ ଜୀବନଜ୍ୟୋତି ନାୟକ, ଇଟିଭି ଭାରତ
