ବାଲେଶ୍ବର: ନଦୀକୁ ଶୌଚ ହେବାକୁ ଯାଇ ଦୁଇଦିନ ହେବ ନିଖୋଜ ଥିବା ବୃଦ୍ଧଙ୍କ ମୃତଶରୀର ଶୁକ୍ରବାର ମିଳିଛି । ଆଜି ସକାଳ 6ଟା ସମୟରେ ତାଙ୍କୁ ଉଦ୍ଧାର କରାଯାଇ ବ୍ୟବଛେଦ ପାଇଁ ପଠାଯାଇଛି ।
ଭିଡିଓ ସୌଜନ୍ଯ: ସମ୍ବାଦଦାତା, ବାଲେଶ୍ବର
ଭୋଗରାଇ ବ୍ଲକ ବାଉଁଶଖଣା ଗ୍ରାମର ରମେଶ ବରାଇ ଗତ 15 ତାରିଖରେ ସୁବର୍ଣ୍ଣରେଖା ନଦୀକୁ ଶୌଚ ହେବାକୁ ଯାଇ ନିଖୋଜ ହୋଇଯାଇଥିଲେ । ଖବର ପାଇବାପରେ ଗ୍ରାମବାସୀ ଓ ଦମକଳ ବାହିନୀ ବହୁ ଖୋଜା ଖୋଜି କରିଥିଲେ କିନ୍ତୁ ପାଇନଥିଲେ ।
ବଙ୍ଗୋପସାଗରରୁ 4 କିଲୋମିଟର ଦୂରରେ ମାଛଧରା ଜାଲରେ ମୃତଦେହ ଲାଗିଥିବା ଦେଖିବାକୁ ପାଇଥିଲେ ମତ୍ସ୍ୟଜୀବୀ । ପରେ ସେମାନେ ପରିବାର ଲୋକଙ୍କୁ ଖବର ଦେଇଥିଲେ । ସରକାରୀ ପାୱାର ବୋଟ ମାଧ୍ୟମରେ ରମେଶଙ୍କ ଶବକୁ ଉଦ୍ଧାର କରାଯାଇଛି । ପରେ ମୃତଦେହକୁ ବ୍ଯବଛେଦ ପାଇଁ ଆମ୍ବୁଲାନ୍ସ ଯୋଗେ ଗୋଷ୍ଠୀସ୍ବାସ୍ଥ୍ୟ କେନ୍ଦ୍ରକୁ ପଠାଯାଇଛି ।
