ବାଲେଶ୍ବର: ଲକଡାଉନ ବେଳେ ଦୋକାନ ବଜାର ଖୋଲା ବନ୍ଦ ନିୟମ ବାବଦରେ ଗୁଜବ କରି ଗିରଫ ହେଲେ ଯୁବକ । ସୂଚନା ଅନୁସାରେ ବାଲେଶ୍ଵର ଜିଲ୍ଲା ରେମୁଣା ଖରିଦମୁଖୁରାର ଶିଵଶଙ୍କର ପରିଡ଼ା ନାମକ ଜଣେ ଯୁବକ ନିଜ ଫେସବୁକ ଆଇଡିରେ ଦୋକାନ ଖୋଲିବା ଓ ବନ୍ଦ ସମୟକୁ ନେଇ ଏକ ଗୁଜବ ପ୍ରଚାର କରିଥିଲେ । ଯେଉଁଥିରେ ସେ ଲେଖିଥିଲେ 31 ତାରିଖ ଠାରୁ ବାଲେଶ୍ବରର ସମସ୍ତ ଦୋକାନ ସକାଳ 6 ରୁ 11 ଟା ଯାଏଁ ଖୋଲା ରହିବ ।
ଏହା ସହ ପୋଲିସ ବାଇକ ସିଜ କରିବା ନେଇ ଜିଲ୍ଲାପାଳଙ୍କ ଫଟୋ ସମେତ ଏକ ମିଥ୍ୟା ସୂଚନା ସୋସିଆଲ ମିଡିଆରେ ପୋଷ୍ଟ କରିଥିଲେ । ଯାହାକି ବହୁ ମାତ୍ରାରେ ଭାଇରାଲ ହୋଇଥିଲା । ଏହାକୁ ନେଇ ରେମୁଣା ପୋଲିସ ତଦନ୍ତ କରିବା ପରେ ଶିଵଶଙ୍କରଙ୍କୁ ଗିରଫ କରି କୋର୍ଟ ଚାଲାଣ କରିଛି ।
ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
