ବାଲେଶ୍ୱର: ବାଲେଶ୍ୱର ସହରର ପାତ୍ରପଡ଼ା ଛକ ଠାରେ ପ୍ରସ୍ତାବିତ ମଦ ଦେକାନକୁ ସ୍ଥାନୀୟ ଅଞ୍ଚଳବାସୀ ବିରୋଧ କରିଛନ୍ତି । ସେହି ସ୍ଥାନ ବଦଳରେ ମଦ ଦୋକାନକୁ ଅନ୍ୟତ୍ର ସ୍ଥାନାନ୍ତର କରିବା ପାଇଁ ଦାବି କରାଯାଇଛି ।
ପ୍ରସ୍ତାବିତ ମଦ ଦୋକାନକୁ ବିରୋଧ କଲେ ଗ୍ରାମବାସୀ
ଉକ୍ତ ଅଞ୍ଚଳରେ ମଦ ଦୋକାନ ଖୋଲାଗଲେ ସ୍ଥାନୀୟ ଅଞ୍ଚଳର ସୁସ୍ଥ ବାତାବରଣ ନଷ୍ଟ ହେବା ସହ ବିଭିନ୍ନ ପ୍ରକାର ଅସାମାଜିକ କାର୍ଯ୍ୟକଳାପ ବୃଦ୍ଧି ପାଇବାର ଆଶଙ୍କା ରହିଛି ବୋଲି ସ୍ଥାନୀୟ ବାସିନ୍ଦା ଅଭିଯୋଗ କରିଛନ୍ତି । ଅନ୍ୟପଟେ ପାତ୍ରପଡା ଛକ ଓ ଆଖପାଖ ଅଞ୍ଚଳର ୨ ଶହ ମିଟର ମଧ୍ୟରେ ବିଭିନ୍ନ ଧର୍ମାନୁଷ୍ଠାନ ଏବଂ ଶିକ୍ଷାନୁଷ୍ଠାନ ମଧ୍ୟ ରହିଛି । ଏଥିପାଇଁ ପ୍ରସ୍ତାବିତ ମଦଦୋକାନ ସ୍ଥାନ ଅନ୍ୟତ୍ର କରାଯିବା ପାଇଁ ଦାବି ଜୋର ଧରିଛି ।
ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
