ବାଲେଶ୍ବର: ବାଲେଶ୍ବର ଜିଲ୍ଲା ସୋର ବ୍ଲକର ମାଣିପୁର ପଞ୍ଚାୟତ ଖୁଣ୍ଟା ଗ୍ରାମରେ ରାସନ ସାମଗ୍ରୀ ହେରଫେର ନେଇ ଉତ୍ତେଜନା । ଡିଲର ହିତାଧିକାରୀଙ୍କୁ ଚାଉଳ ନ ଦେଇ ହେରଫେର କରିବା ଅଭିଯୋଗରେ ଡିଲର ଘରେ ପହଞ୍ଚି ଗ୍ରାମବାସୀଙ୍କ ହୋ ହାଲ୍ଲା ଓ ପାଟିତୁଣ୍ଡ ।
ରାସନ ସାମଗ୍ରୀ ହେରଫେର ନେଇ ଉତ୍ତେଜନା
ତେବେ ଡିଲର ହିତାଧିକାରୀଙ୍କୁ ରାସନ ସାମଗ୍ରୀ ନ ଦେଇ ଗାଁର ଅନ୍ୟ ଜଣେ ବ୍ୟକ୍ତିଙ୍କୁ ଦେଇଥିବା ଅଭିଯୋଗ ଆଣିଛନ୍ତି ଗ୍ରାମବାସୀ । ଏହାକୁ ନେଇ ଉତ୍ତ୍ୟକ୍ତ ଗ୍ରାମବାସୀ ଡିଲର ବିଜେନ୍ଦ୍ର ଦାସଙ୍କୁ ଘେରିବା ସହ ରାସ୍ତାରେ ଚଲାଇ ଚଲାଇ ନେଇଥିଲେ ।
ଅନ୍ୟପଟେ ବହୁ ସମୟ ଧରି ଉତ୍ତେଜନା ଲାଗି ରହିବା ପରେ ଡିଲର ଓ ଗ୍ରାମବାସୀଙ୍କ ମଧ୍ୟରେ ଆପୋଷ ବୁଝାମଣା ପରେ ପରିସ୍ଥିତି ଶାନ୍ତ ପଡିଥିଲା ।
ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
