ବାଲେଶ୍ବର: ସରସ୍ବତୀ ପୂଜା ଭସାଣିକୁ ନେଇ ଦୁଇ ଗୋଷ୍ଠୀ ମୁହାଁମୁହିଁ ହୋଇଛନ୍ତି । ଡିଜେ ବାଜିବାକୁ କେନ୍ଦ୍ର କରି ହାତାହାତି ହୋଇଛନ୍ତି ଦୁଇ ଗୋଷ୍ଠୀ । ଫଳରେ 5 ଜଣ ଗୁରୁତର ହୋଇଛନ୍ତି । ସେମାନଙ୍କୁ ସୋର ଡାକ୍ତରଖାନାରେ ଭର୍ତ୍ତି କରାଯାଇଛି । ବାଲେଶ୍ବରର ସୋର ଥାନା ଅଧିନସ୍ଥ ଇଶ୍ବରପୁର ଓ ନଟପଡା ଗାଁର ଯୁବକଙ୍କ ମଧ୍ୟରେ ସରସ୍ବତୀ ପୂଜା ଭସାଣୀରେ ଡିଜେ ବାଜିବାକୁ କେନ୍ଦ୍ର କରି ଉତ୍ତେଜନା ସୃଷ୍ଟି ହୋଇଥିଲା ।
ଦୁଇ ଗୋଷ୍ଠୀ ମୁହାଁମୁହିଁ
ଏପରିକି, ଏକ ଗୋଷ୍ଠୀର କିଛି ଯୁବକମାନେ ଘରେ ପଶି ମରଣାନ୍ତକ ଆକ୍ରମଣ କରିଥିବା ଅଭିଯୋଗ ହୋଇଛି । ତେବେ ଉଭୟ ଗାଁରେ ଆଇନ ଶୃଙ୍ଖଳା ରକ୍ଷା ପାଇଁ ପୋଲିସ ଫୋର୍ସ ମୃତୟନ କରାଯାଇଛି ।
ବାଲେଶ୍ବରରୁ ଜୀବନ ଜ୍ଯୋତି ନାୟକ, ଇଟିଭି ଭାରତ
