ବାଲେଶ୍ବର : ଜଣେ ଯୁବକଙ୍କୁ ଦାଦାବଟିକୁ ନେଇ କରାଯାଇଛି ହତ୍ୟା ! ବିଳମ୍ବିତ ରାତିରେ ବାଲେଶ୍ବର ଟାଉନ ଥାନା ଅନ୍ତର୍ଗତ ଏକ ହୋଟେଲ ନିକଟରେ ଏହି ହତ୍ୟାକାଣ୍ଡ ଘଟିଛି। ହତ୍ୟାକାଣ୍ଡର କାରଣ ଅସ୍ପଷ୍ଟ ଥିବାବେଳେ ଦାଦାବଟିକୁ ନେଇ ହତ୍ୟା ହୋଇଥିବା ସନ୍ଦେହ କରାଯାଉଛି ।
ଦାଦାବଟି ପାଇଁ ସୁପ୍ରଭାଇଜରଙ୍କୁ ହତ୍ୟା ! ଥାନାରେ ଆତ୍ମସମର୍ପଣ କଲା ଅଭିଯୁକ୍ତ
ମୃତ ଯୁବକ ଜଣକ ବାଲେଶ୍ବର ସହଦେବଖୁଣ୍ଟା ଥାନା କୁଡିଆ ଅଞ୍ଚଳର ରାଜେଶ ପଣ୍ଡା ବୋଲି ଜଣାପଡିଛି । ଯୁବକ ଜଣକ ଏକ ଠିକା ସଂସ୍ଥାର ସୁପରଭାଇଜର ଥିଲେ । ବାଲେଶ୍ବର ଟାଉନ ଥାନା ଅଞ୍ଚଳରେ ଡ୍ରେନ ନିର୍ମାଣକୁ ନେଇ ସୁପରଭାଇଜରଙ୍କ ସହ ସେହି ଅଞ୍ଚଳର ମାଧ ପାଢ଼ି ନାମକ ଜଣେ ବ୍ୟକ୍ତିଙ୍କ ମଧ୍ୟରେ ବଚସା ହୋଇଥିଲା। ତେବେ ସେହି ବ୍ୟକ୍ତିଙ୍କ ଆକ୍ରମଣରେ ଘଟଣାସ୍ଥଳରେ ହିଁ ସୁପରଭାଇଜର ରାଜେଶଙ୍କ ମୃତ୍ୟୁ ହୋଇଥିଲା। ହତ୍ୟାକାରୀ ମାଧ ପାଢ଼ୀ ଥାନାରେ ଆତ୍ମ ସମର୍ପଣ କରିଥିବା ଜଣାପଡିଛି । ପୋଲିସ ଘଟଣାର ତଦନ୍ତ ଜାରି ରଖିଛି ।
ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
