ବାଲେଶ୍ଵର: ଭୋଗରାଇ କମର୍ଦ୍ଦା ଡିଗ୍ରୀ କଲେଜ ଅଧ୍ୟାପିକାଙ୍କୁ ବହିଷ୍କାର ଦାବି । ଜିଲ୍ଲାପାଳଙ୍କୁ ଭେଟି ଦାବି ଜଣାଇଲେ ଛାତ୍ରଛାତ୍ରୀ । ତାଙ୍କ ପାଖକୁ ଟ୍ୟୁସନ୍ ଯାଉନଥିବା ପିଲାଙ୍କୁ କମ ମାର୍କ ଦେଉଥିବା ଅଭିଯୋଗ କରି ଛାତ୍ରଛାତ୍ରୀ ତାଙ୍କର ବହିଷ୍କାର ଦାବି କରିଛନ୍ତି।
କଲେଜର ଏଜୁକେସନ ଅଧ୍ୟାପିକା ନିଜ ପାଖରେ ଟ୍ୟୁସନ୍ ପାଇଁ ପିଲାଙ୍କୁ ବାଧ୍ୟ କରୁଛନ୍ତି । ଯେଉଁ ପିଲା ତାଙ୍କ ପାଖରେ ଟ୍ୟୁସନ୍ ହେଉନାହାଁନ୍ତି ଅଧ୍ୟାପିକା ସେମାନଙ୍କୁ ପରୀକ୍ଷାରେ କମ ମାର୍କ ଦେଉଥିବା ଛାତ୍ରଛାତ୍ରୀ ଅଭିଯୋଗ କରିଛନ୍ତି।
ଭିଡିଓ ସୌଜନ୍ୟ: ସମ୍ବାଦଦାତା, ବାଲେଶ୍ବର
ଏହାକୁ ନେଇ ଛାତ୍ରଛାତ୍ରୀ ଗତ ସୋମବାର କଲେଜ ଅଧ୍ୟକ୍ଷଙ୍କୁ ଏ ସମ୍ପର୍କରେ ଜଣାଇଥିଲେ ମଧ୍ୟ ସେ କୌଣସି କଥାକୁ କର୍ଣ୍ଣପାତ କରି ନଥିଲେ। ଏଥିପ୍ରତି କଲେଜ ଅଧ୍ୟକ୍ଷ ଦୃଷ୍ଟି ନଦେବାରୁ ସେମାନେ ଜିଲ୍ଲାପାଳଙ୍କୁ ଭେଟି ଉକ୍ତ ଅଧ୍ୟାପିକାଙ୍କ ବହିଷ୍କାର ଦାବି କରିଛନ୍ତି।
ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
