ବାଲେଶ୍ବର: ସାମାଜିକ ଅନୁଷ୍ଠାନ କନ୍ୟା ଅନମୋଲ ହେ ପକ୍ଷରୁ ବାଲେଶ୍ବରରେ ଏକ ସ୍ବତନ୍ତ୍ର କାର୍ଯ୍ୟକ୍ରମ ହେବାକୁ ଯାଉଛି । ସମାଜରେ ନାରୀଶିକ୍ଷା, ସମ୍ମାନ ଓ ସୁରକ୍ଷା ଦିଗରେ ଏହି ଅନୁଷ୍ଠାନ କାର୍ଯ୍ୟ କରୁଛି । ସ୍ଥାନୀୟ ନୋସି ଠାରେ ଆସନ୍ତା 7ତାରିଖରେ ଏହି କାର୍ଯ୍ୟକ୍ରମ ପାଇଁ ଦିନ ଧାର୍ଯ୍ୟ ହୋଇଛି ।
ଭିଡିଓ ସୌଜନ୍ୟ: ସମ୍ବାଦଦାତା ବାଲେଶ୍ବର
ଏଥିସହିତ ଏକ ଆପ ଉନ୍ମୋଚନ ହେବ ବୋଲି ରାଷ୍ଟ୍ରୀୟ ସଂଯୋଜକ ସରୋଜ କୁମାର ଦାସ କହିଛନ୍ତି । ଏହି ଆପ ମାଧ୍ୟମରେ ଆର୍ଥିକ ଅନଗ୍ରସର ଛାତ୍ରୀଙ୍କ ପାଇଁ ମେଧାବୃତ୍ତିର ଆବେଦନ କରାଯାଇପାରିବ । ସାମ୍ବାଦିକ ସମ୍ମିଳନୀରେ ରାଜ୍ୟ ସଂଯୋଜିକା ରାଜଲକ୍ଷ୍ମୀ ଚାଟାର୍ଜୀ, ଜିଲ୍ଲା ସଂଯୋଜିକା ଜ୍ୟୋତ୍ସ୍ନା ସେନାପତି, ଆଇଟି ସଂଯୋଜକ ଶୁଭେନ୍ଦୁ ଦାସ ପ୍ରମୁଖ ଉପସ୍ଥିତ ଥିଲେ।
ବାଲେଶ୍ବରରୁ ଜୀବନଜ୍ୟୋତି ନାୟକ, ଇଟିଭି ଭାରତ
